Złačyncy skarystalisia tym, što novuju kupiuru ŭ 500 jeŭra bačyl pakul što niamnohija.
Tamu jany «zrabili» patrebnyja hrošy z kupiury ŭ 500 zimbabvijskich dalaraŭ.
Pradaviec na rynku pa vulicy Horkaha spačatku nie zaŭvažyŭ padmanu, i pryniaŭ u jakaści apłaty za dublonki dźvie «novieńkija» kupiury. Ale paźniej, pryhledzieŭšysia, jon adrazu vyklikaŭ milicyju.
Adnak, hledziačy pa ŭsim, znajści machlaroŭ pakul nie zmahli.
«U dačynieńni da nieviadomych zaviedziena kryminalnaja sprava za machlarstva, supracoŭniki kryminalnaha vyšuku Leninskaha RAUS ŭžo iduć pa śledzie złamyśnikaŭ», — paviedamlaje pres-słužba Hrodzienskaha UUS.
Nahadajem, što ŭ Zimbabve adna z samych tannych valut u śviecie.
Z-za pastajannaj inflacyi — u niekatoryja hady jana dasiahała 200 młn pracentaŭ! — cana miascovaha dalara niaŭchilna padaje.
A kali ceny pačynajuć dasiahać miljardnych vieličyniaŭ, ułady prosta pravodziać čarhovuju denaminacyju. Tamu, zaraz 500 zimbabvijskich dalaraŭ składaje kala 1,5 dalara ZŠA.
