Fota: BiełaPAN
Kamunalnyja słužby i milicyja Bresta pravodziła vyjaznyja pasiedžańni pad kachankam, horad moh stracić abjekt. Ale ideja spadabałasia kiraŭniku harvykankama Alaksandru Rahačuku, za los kachanka možna nie chvalavacca.
Na śviaty kachanak budzie mianiać imidž, na 14 lutaha i 8 sakavika ŭ jaho źjaviacca kvietki.
Instalacyju zrabiła kampanija «Biuro Śviataŭ», ideju padhladzieli ŭ Prazie. Pad instalacyjaj aŭtary chočuć ustalavać litoje serca, ale haradskija ŭłady pakul nie dajuć dazvoł, budynak jość histaryčnym pomnikam.
U Breście znajšłasia adpaviednaja haradskaja lehienda.
Kažuć, što napačatku XX stahodździa ŭ Vacłavy, maładoj žonki kapitana polskaj palicyi Andžeja Vujčyka, źjaviŭsia kachanak Hieorhij. Kapitan złaviŭ kachanku ŭ kvatery, ale Hieorhij pasprabavaŭ uciekčy praz vakno. Padčas hetaha Andžej streliŭ u kachanka, trapiŭ jamu ŭ serca. Hieorhij pamier na miescy, na nastupny dzień atruciłasia Vacłava.
