Alaksandr Łukašenka i Uładzimir Pucin 23 studzienia padčas telefonnaj hutarki «šyroka abmierkavali situacyju va Ukrainie ŭ suviazi ź jaje rezkim abvastreńniem», paviedamlaje pres-słužba kiraŭnika Biełarusi.
Kiraŭniki dziaržaŭ taksama abmierkavali šyroki śpiektr pytańniaŭ jak mižnarodnaha paradku dnia, tak i dvuchbakovaha supracoŭnictva. U pryvatnaści, havorka išła pra sustreču prezidentaŭ Biełarusi i Rasii, jakaja pavodle damoŭlenaściaŭ adbudziecca bližejšym časam. Zapłanavana taksama sustreča premjer-ministraŭ dźviuch krain. «Siońnia ž było pryniataje rašeńnie ab praviadzieńni ŭ pačatku sakavika pasiadžeńnia Vyšejšaha dziaržsavieta Sajuznaj dziaržavy», — paviedamlaje pres-słužba.
Akramia taho, Łukašenka i Pucin damovilisia ab sumiesnych dziejańniach pa pieraadoleńni ekanamičnych prablem.