Supierziamla 55 Cancri e. Vyjava NASA/JPL-Caltech/R. Hurt
Z dapamohaj «łaziernaha kavadła» navukoŭcy stvaryli materyju, što pa svaich ułaścivaściach nahadvaje materyju z hłybinnych płastoŭ bujnych supierziemlaŭ i navat jadzier hazavych hihantaŭ.
U hłybini supierziemlaŭ pry ekstremalnaj ščylnaści, vysokim cisku i vialikaj tempieratury materyjały mianiajuć svaje fizičnyja ŭłaścivaści. Materyjały, jakija my pryvykli bačyć ćviordymi, tam buduć płavicca.
Hałoŭnym elemientam navukovaj pracy staŭ redki na Ziamli materyjał styšavit, kryštali jakoha možna znajści tolki na dnie vułkaničnych krataraŭ. Prazrysty i nadzvyčaj tryvały da vysokich tempieratur i cisku, jon uźnikaje z kvarcavaha piasku pry padzieńni mietearytaŭ.
U 2014 hodzie niamiecki navukoviec Natalla Dubravinskaja vynajšła sposab atrymlivać styšavit u łabaratornych umovach. Ciapier była atrymanaja dastatkovaja jaho kolkaść dla ekśpierymientaŭ na «łaziernym kavadle».
***
Supierziemli — kłas płaniet, što pa masie znachodziacca pamiž Ziamloj i Nieptunam, jašče nie hazavych hihantaŭ. Pieršaja supierziamla była znojdzienaja ŭ 1991 hodzie blizu pulsara PSR B1257+12 u suzorji Dzievy, jana ža była pieršaj adkrytaj ekzapłanietaj (płanietaj za miežami Soniečnaj sistemy) u historyi.
