Reuters.com
Ukraina zmoža impartavać ź Jeŭrasajuza da 40 młn kubamietraŭ hazu ŭ dzień zamiest ciapierašnich 31,5 młn, havorycca ŭ paviedamleńni Jeŭrakamisii. U «Naftahazie» miarkujuć, što pastaŭki jeŭrapiejskaha hazu ŭžo ŭ hetym hodzie zmohuć zabiaśpiečyć 60% patreb krainy ŭ imparcie hazu.
Jak paviedamiŭ u čaćvier kiraŭnik «Naftahaza» Andrej Kołabaŭ u intervju ahienctvu Reuters.com, užo ŭ hetym hodzie Ukraina zmoža davieści techničnuju mahčymaść prapampoŭki hazu ź Jeŭropy da 90% patreby krainy.
Pavodle jaho słoŭ, za niekalki hadoŭ Kijeŭ moža skaracić dolu zakupki racijskaha pryrodnaha hazu, i jon budzie składać tolki da adnoj traciny ŭsiaho ŭkrainskaha hazavaha impartu.
«Jeŭrapiejski rynak vielmi mocna źmianiŭsia. Sproby manapalizavać rynki bolš nie pracujuć», — skazaŭ jon.
Premjer-ministr Ukrainy Arsienij Jacaniuk zajaviŭ, što ŭ bližejšy čas płanujecca dasiahnuć pahadnieńnia sa Słavakijaj pa transparciroŭcy 100 młrd kubamietraŭ hazu ŭ hod.
U 2014 hodzie Ukraina atrymała z krain ES kala 5 młrd kubamietraŭ hazu.
Ale ekśpierty haliny pa-roznamu aceńvajuć takuju mahčymaść.