Neringa Lesetienė
U druhoj pałovie tydnia čakajecca paharšeńnie nadvorja, paviedamiŭ BiełaPAN načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžańnia i manitorynhu navakolnaha asiarodździa Dźmitryj Rabaŭ.
Na hetym tydni čakajecca vielmi niaŭstojlivy charaktar nadvorja, najbolš składanyja ŭmovy nadvorja čakajucca ŭ druhoj pałovie tydnia z-za paŭdniovych cykłonaŭ», — skazaŭ Rabaŭ.
Pavodle jaho słoŭ, «u pieršaj pałovie tydnia Biełaruś čakaje spakojnaje zimovaje nadvorje. Jano budzie vyznačacca ŭ asnoŭnym vobłaściu pavyšanaha atmaśfiernaha cisku, sfarmiravanaj u vilhotnaj pavietranaj masie i małaaktyŭnymi atmaśfiernymi frantami».
U aŭtorak u mnohich rajonach nievialiki śnieh. Miescami słabyja tuman i hałalod. Na asobnych učastkach daroh hałalodzica. Tempieratura nočču minus 2 — 8°S, pry prajaśnieńniach minus 9 — 11°S, dniom minus 4 — plus 1°S.
U sieradu miescami karotkačasovy śnieh. Dniom pa zachadzie tuman, słaby hałalod. Na asobnych učastkach daroh hałalodzica. Tempieratura nočču minus 1—8°S, pry prajaśnieńniach minus 9—12°S, dniom minus 4 — plus 1°S.
U čaćvier nočču miescami, dniom na bolšaj častcy terytoryi karotkačasovy śnieh, mokry śnieh, słabaja miacielica. U asobnych rajonach słaby hałalod, na darohach hałalodzica. Tempieratura nočču minus 1—8°S, dniom minus 4 — plus 2°S.
«U piatnicu paharšeńnie nadvorja pryniasie aktyŭny atmaśfierny front z Zachodniaj Jeŭropy. Na bolšaj častcy terytoryi apadki, u asnoŭnym śnieh, mokry śnieh. Miescami miacielica, nalipańnie mokraha śniehu, na darohach hałalodzica. U asobnych rajonach uzmacnieńnie vietru paryvami da 15—20 m/s», — zaznačyŭ sinoptyk. Tempieratura pavietra minimalnaja nočču minus 1 — minus 6°S, maksimalnaja dniom minus 3 — plus 2°S.
Pavodle słoŭ Rabava, u subotu paŭdniovy cykłon, jaki budzie źmiaščacca ŭzdoŭž zachodnich miežaŭ Biełarusi, jašče bolš pahoršyć nadvorje: časam projduć apadki (mokry śnieh, doždž), miescami mocnyja. U asobnych rajonach tuman, hałalod, na darohach hałalodzica. Miescami ŭzmacnieńnie vietru paryvami da 15—20 m/s. Tempieratura pavietra minimalnaja nočču minus 4 — plus 1°S, maksimalnaja dniom minus 2 — plus 5°S».
U niadzielu čarhovy paŭdniovy cykłon, jaki budzie źmiaščacca ŭžo praz centralnyja rehijony Biełarusi, pryniasie na bolšuju častku terytoryi śnieh, mokry śnieh, pa ŭschodzie z daždžom. Miescami mocnyja apadki, miacielica, tuman, hałalod, na darohach hałalodzica. U asobnych rajonach uzmacnieńnie vietru paryvami da 15-20 m/s. Tempieratura pavietra na praciahu sutak minus 3 — plus 3°S, nočču pry prajaśnieńniach da minus 5°S.
