Na hetym tydni ŭ Biełarusi čakajecca zimovaje spakojnaje nadvorje, paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
«Studzień u hetym hodzie byŭ anamalna ciopłym. Siaredniaja tempieratura pavietra za miesiac skłała ad minus 1 da plus 1 hradusa, pieravysiŭšy klimatyčnuju normu na 5,6 hradusa. Tak ciopła ŭ studzieni ŭ našaj krainie byvaje prykładna adzin raz u 15 hadoŭ, i taki tempieraturny režym zvyčajna charakterny dla sakavika», — skazaŭ Dźmitryj Rabaŭ.
Na hetym ža tydni na terytoryi Biełarusi čakajecca zimovaje spakojnaje nadvorje. Pieršuju pałovu tydnia ŭmovy nadvorja budzie vyznačać vobłaść panižanaha atmaśfiernaha cisku, sfarmiravanaja ŭ vilhotnaj pavietranaj masie.
U aŭtorak, 3 lutaha, nočču pa poŭdni, ranicaj i dniom u mnohich rajonach čakajecca śnieh, mokry śnieh. Miescami prahnazujucca słabyja tuman i hałalod, na darohach zachavajecca hałalodzica. Tempieratura pavietra nočču składzie ad 1 da 7 hradusaŭ nižej za nul, pa poŭnačy pry prajaśnieńniach budzie 8-10 hradusaŭ marozu, dniom — ad minus 3 da plus 3 hradusaŭ.
U sieradu miescami čakajecca karotkačasovy śnieh. Na asobnych učastkach daroh — hałalodzica. Tempieratura pavietra nočču składzie ad 2 da 7 hradusaŭ marozu, pry prajaśnieńniach słupok termomietra apuścicca da minus 10. Dniom čakajecca ad 3 hradusaŭ marozu da 2 hradusaŭ ciapła.
«U druhoj pałovie tydnia nadvorje pačnie vyznačać pole vysokaha cisku, sfarmiravanaje ŭ bolš chałodnaj pavietranaj masie paŭnočnych šyrot, jakija pryniasuć u načnyja i ranišnija hadziny ŭzmacnieńnie marazoŭ. Nadvorje budzie ŭžo charakternym dla hetaha pieryjadu hoda», — padkreśliŭ Dźmitryj Rabaŭ.
U čaćvier, 5 lutaha, miescami prahnazujecca karotkačasovy śnieh. Na asobnych učastkach daroh zachavajecca hałalodzica.
Tempieratura pavietra nočču składzie ad 3 da 10 hradusaŭ marozu, pry prajaśnieńniach — da minus 15 hradusaŭ.
Dniom prahnazujecca ad 5 hradusaŭ nižej za nul da 1 hradusa ciapła.
U piatnicu budzie pieravažna biez apadkaŭ. Na asobnych učastkach daroh zachavajecca hałalodzica. Tempieratura pavietra nočču składzie 3-10 hradusaŭ marozu, pa paŭnočnaj pałovie krainy słupok termomietra apuścicca da 17 hradusaŭ nižej za nul. Dniom čakajecca 1-8 hradusaŭ marozu.
«U vychadnyja dni nadvorje istotna nie źmienicca: budzie pa-raniejšamu marozna ŭ načnyja i ranišnija hadziny», — adznačyŭ Dźmitryj Rabaŭ.
U subotu, 7 lutaha, nočču budzie ad 5 da 12 hradusaŭ marozu, pa poŭdni - da minus 17. Dniom - ad nula da minus 6 hradusaŭ. Miescami prahnazujecca karotkačasovy śnieh. Na asobnych učastkach daroh hałalodzica.
U niadzielu miescami projdzie karotkačasovy śnieh, mokry śnieh. U asobnych rajonach budzie naziracca słaby hałalod, na darohach hałalodzica. Tempieratura pavietra nočču składzie ad minus 1 da minus 7 hradusaŭ, pry prajaśnieńniach — da 10 hradusaŭ nižej za nul. U dzionnyja hadziny budzie ad 4 hradusaŭ marozu da 2 hradusaŭ ciapła.
