AP
Amierykanski surok Fił pradkazaŭ, što zima budzie doŭžycca jašče šeść tydniaŭ.
Žyvioła, jakaja žyvie ŭ horadzie Panksatoni (štat Piensilvanija), vylezła z nary, ale spałochałasia, ubačyŭšy svoj cień. Pavodle tradycyjnych ujaŭleńniaŭ, takija pavodziny žyvioły aznačaje, što zima budzie doŭhaj. Surok vylez z nary u 7:25 ranicy pa miascovym časie.
U minułym hodzie Fił taksama spałochaŭsia svajho cieniu i schavaŭsia ŭ naru. U 2013 hodzie z-za pachmurnaha nadvorja surok nie ŭbačyŭ cieniu, tym samym pradkazaŭšy rańni prychod viasny.
Dzień surka štohod adznačajecca ŭ ZŠA i Kanadzie 2 lutaha.
Surok Fił z Panksatoni ličycca samym znakamitym pradrakalnikam nadvorja ŭ ZŠA. Fił robić svaje prahnozy z 1887 hoda, pry hetym tolki 17 raz surok pradkazaŭ nastup rańniaj viasny. Štohod pahladzieć na Fiła ŭ horad pryjazdžajuć kala 30 tysiač čałaviek.
Fił robić pamyłkovyja pradkazańni ŭ 60 pracentach vypadkaŭ.
U Nacyjanalnym centry klimatyčnych źviestak ZŠA, daśledavaŭšy prahnozy Fiła, aficyjna zajavili ab ich niedakładnaści i padkreślili, što surok «nie vałodaje zdolnaściami pradkazalnika».
A voś ukrainskija surki i skunsy, naadvarot, pradkazvajuć rańni prychod viasny.
