Stephane De Sakutin / AFP

Stephane De Sakutin / AFP

Kanstruktar Lego byŭ pryznany najlepšaj u śviecie cackaj, jakaja apiaredziła «Manapoliju» i lalek Action Man. Adpaviedny rejtynh byŭ składzieny resursam ToyNews šlacham apytańnia vytvorcaŭ cacak i inšych prafiesijnych udzielnikaŭ dadzienaj industryi.

U chit-list taksama ŭvajšli honačnyja mašynki i trasy Scalextric (čaćviortaje miesca). Na piatym miescy apynulisia nastolnyja hulni Subbuteo. Šosty-siomy radki padzialili kubik Rubika i cacki z «Zornych vojnaŭ».

Zamknuli pieršuju dziasiatku mašynki Matchbox, lalka Barbi i ihralnyja karty.

Jak adznačaje vydańnie, u minułym kanstruktary Lego ŭžo uznačalvali top-listy najlepšych cacak, adnak tolki ŭ hetym vypadku jany stali lidarami śpisu pavodle viersii vytvorcaŭ, a nie hramadskaści, jak heta było raniej.

Lego — sieryi cacak, jakija ŭjaŭlajuć saboj nabory detalaŭ dla zborki i madelavańnia raznastajnych pradmietaŭ. Z 1949 kanstruktary vypuskaje hrupa kampanij Lego Group, hałoŭny ofis jakoj znachodzicca ŭ Danii. Z tych časoŭ Lego pašyryła śfieru svajoj dziejnaści, stvaryŭšy filmy, hulni, konkursy, a taksama adkryŭšy šeść tematyčnych parkaŭ zabavak.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?