Paśla refierendumu 1995 hoda ŭ Biełarusi dźvie dziaržaŭnyja movy — ruskaja i biełaruskaja. Praŭda, časta vykarystoŭvajecca namienkłaturnaja mova. Jana źniešnie padobnaja da ruskaj, ale ŭtrymlivaje zvaroty, zusim niazvykłyja dla sučasnaj movy ŭschodniaha susieda.

Hetaja mova ŭsprymajecca arhanična ŭ roznych kantekstach. Ale adnosna papularnaha rok-hurtu «Bieź Bileta» hučyć krychu siurrealistyčna. Asabliva z ulikam taho, što hurt vystupić 14 lutaha — na Dzień usich zakachanych.

Kancert «Bieź Bileta» z prahramaj «Zorka» ŭ 2012 hodzie. Fota: Alena Chackievič, Ultra-Music

Kancert «Bieź Bileta» z prahramaj «Zorka» ŭ 2012 hodzie. Fota: Alena Chackievič, Ultra-Music

Vaŭkavyski rajvykankam paviedamlaje, što «na osnovanii piśma zamiestitiela hienieralnoho diriektora po idieołohičieskoj rabotie MKSM «Minsk-ariena»» i «v sootvietstvii s riekomiendacijami Komitieta hosudarstviennoho kontrola» kancert rokieraŭ «Bieź Bileta» budzie ładzicca na «Minsk-Arenie».

Moža adny muzyki dumajuć, što hrajuć dziela publiki, a inšyja — dziela hrošaŭ, ale «Bieź Bileta» zładzili vystup «s cielju propahandy diejatielnosti biełorusskich ispołnitielej».

«Łaj-łaj-łaj-łaj-łaj, maja kraina Biełaruś», — dziaržkantrol rekamienduje, chaj prapahandujuć.

Prosta pryjści na kancert — panura. Lepiej «biespłatnaja ekskursionnaja prohramma v MKSK «Minsk-ariena» po priedvaritielnoj zajavkie». I nie zabyć hałoŭnaje — «v chołłach kompleksa k usłuham posietitielej budut priedłožieny chołodnyje i horiačije zakuski, čaj i kofie».

Hurt «Bieź Bileta», vierahodna, radujecca mahčymaści naviedać biaspłatnuju ekskursiju na Minsk-Arenu. Fota z sajta bezbileta.net

Hurt «Bieź Bileta», vierahodna, radujecca mahčymaści naviedać biaspłatnuju ekskursiju na Minsk-Arenu. Fota z sajta bezbileta.net

Heta nie žarty — «2015 hod objavlen Hodom mołodioži»! A raz na «Bieź Bileta» chutčej pojdzie moładź, to «dannoje mieroprijatije možiet sostaviť chorošieje dopołnienije k riespublikanskim tiematičieskim projektam».

Abdymaški ŭ ciopłym natoŭpie, sełfi ź Vitalam Artystam, a pad hałoŭnyja chity hladziš i stejdž-dajvinh — «zritieli smohut viesieło i sodieržatielno proviesti svobodnoje vriemia». Takaja ramantyka.

«Dzień bieźbiletnika» ŭ 2009 hodzie. Fota z sajta bezbileta.net

«Dzień bieźbiletnika» ŭ 2009 hodzie. Fota z sajta bezbileta.net

Što rabić, kali niahledziačy na biaspłatnuju ekskursiju i chałodnyja dy haračyja zakuski Minsk-Arena niedabiare słuchačoŭ?

Kiraŭnikam pradpryjemstvaŭ pa śpisie rekamiendujecca «proviesti sootvietstvujuŝuju rabotu po privlečieniju mołodioži na dannyj konciert».

Što budzie z tymi, u kaho ŭ kalektyvie nie znajdziecca ramantykaŭ, jakija zachočuć «sodieržatielno proviesti svobodnoje vriemia», nie ŭdakładniajecca. Być moža, zahadajuć vychoŭvać u padnačalenych ciopłyja pačućci i patryjatyzm.

Na sajcie «Bieź bileta» možna paraŭnać movu rajvykankama z movaj hurtu. Čyja bolš adpaviadaje Dniu ŭsich zakachanych?

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?