Avijakampanija «Biełavija» źniziła taryfy na ŭsie čartarnyja rejsy. Pra heta zajaviŭ na pres-kanfierencyi 4 lutaha ŭ Minsku hienieralny dyrektar avijakampanii Anatol Husaraŭ.

«Źjaviłasia infarmacyja, što «Biełavija» padniała taryfy na čartarnyja rejsy. Adnak heta nie tak. Bolš za toje, razumiejučy roznyja niuansy na rynku avijapieravozak i pracesy na valutnym rynku, my navat źnizili taryfy dla našych partnioraŭ pa ŭsich napramkach. Heta niaznačnaje źnižeńnie, ale heta ŭsio-taki źnižeńnie», — zajaviŭ Husaraŭ.

U 2014 hodzie avijakampanija vykanała 2 tys. 494 čartarnyja rejsy, što na 38,5% bolš, čym u 2013 hodzie. Usiaho takija rejsy vykonvalisia ŭ 46 krain (u tym liku i pa Biełarusi) pa 141 napramku.

Značnaje pavieličeńnie kolkaści rejsaŭ adbyłosia ŭ siektary turystyčnych pieravozak, na 45% u paraŭnańni z 2013 hodam. Najbolš papularnymi napramkami ŭ avijaturyźmie ŭ 2014 hodzie byli Antalija, Burhas, Iźmir, Sałoniki, Churhada, Varna, Šarm-el-Šejch.

U 2014 hodzie źjavilisia šerah novych čartarnych turystyčnych napramkaŭ ź Minska: Kaljary, Rymini i Treviza (Italija), Kanstanca (Rumynija), Łarnaka (Kipr), Enfida (Tunis). Taksama byli adkrytyja novyja maršruty, što vykonvalisia praz abłasnyja harady: Viciebsk — Antalija, Brest — Churhada, Homiel — Churhada, Homiel — Sałoniki, Homiel — Burhas.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?