Kamandziru batarei Jaŭhienu Tkačuku, jaki vyviez z-pad Debalcava 55 bajcoŭ bataljona «Kijeŭskaja Ruś», sud abraŭ mieru strymańnia ŭ vyhladzie ŭtrymańnia pad vartaj.

Pra heta raspavioŭ namieśnik kamandzira batarei 25-ha asobnaha motapiachotnaha bataljona Aleh Patajčuk, jaki na dadzieny momant razam sa zdačaj bajcoŭ batarei znachodzicca ŭ Charkavie.

Pavodle jaho słoŭ, u noč na 3 lutaha Tkačuka pieravieźli ŭ Kramatorsk i adrazu adpravili ŭ sud.

«Učora ja razmaŭlaŭ z advakatam, tam užo znajšli adno parušeńnie, na padstavie jakoha jaho z Charkava nočču vyvieźli ŭ Kramatorsk, dniom pradjavili abvinavačvańni i adrazu ž sud vyznačyŭ jamu mieru strymańnia — uziać pad vartu. Pavodle majoj infarmacyi, jon znachodzicca ŭ Kramatorsku», — paviedamiŭ Patajčuk.

Bajec taksama dadaŭ, što 4 lutaha jon asabista sustrakaŭsia ź ministram abarony Ściapanam Pałtarakam. «Jon skazaŭ, što heta pad jaho asabistym kantrolem», — paviedamiŭ Patajčuk.

Vajenny prakuror Charkaŭskaha harnizona Andrej Hłumakoŭ paćvierdziŭ infarmacyju ab pieravodzie Tkačuka ŭ Kramatorsk.

«My pieradali spravu pa padślednaści ŭ Hałoŭnuju vajennuju prakuraturu HPU i adpaviedna napisali list ab jaho pieravodzie ŭ Kramatorsk, u izalatar časovaha ŭtrymańnia. My praviali pieršyja śledčyja dziejańni, usich apytali pa hetych abstavinach i pieradali spravu dalej», — paviedamiŭ jon.

2 lutaha paviedamlałasia, što Tkačuka zatrymali na 72 hadziny pa abvinavačvańni «nievykanańnie zahadu».

Adnak bajcy batarei, jakich Tkačuk vyvieŭ z-pad abstrełu, zapeŭnivajuć, što nijakich zahadaŭ im nie pastupała.

Namieśnik kamandzira batarei Aleh Patajčuk adznačyŭ, što jaho i inšych bajcoŭ pačynajuć vinavacić u bajaźlivaści z-za taho, što jany pakinuli pole boju.

«Nichto, ja ŭpeŭnieny ŭ svaich ludziach, ni adzin čałaviek nie bajaźliviec. Ja z kožnym hatovy pajści ŭ boj. Ja viedaju, što kožny prykryje saboj svajho tavaryša», — zajaviŭ jon.

«Usie bajcy, jakija vyjšli z-pad artyleryjskaha ŭdaru, bambavańniaŭ, z hetych akružeńniaŭ, usie jak adzin hatovyja ŭziać zbroju i pajści nazad, ale nie na takich umovach — bieź jakoj by tam ni było techniki, bieź ničoha», — zapeŭniŭ Patajčuk.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?