U hetyja vychadnyja dni ŭ Biełarusi čakajucca źmieny nadvorja: budzie vietrana, śnieh, zavieja, hałalod.
Pra heta paviedamiŭ BiełaPAN načalnik słužby hidramietearałahičnych prahnozaŭ Respublikanskaha centra pa hidramietearałohii, kantrolu radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
U subotu, 7 lutaha, praz krainu buduć pieramiaščacca atmaśfiernyja franty z Bałtyjskaha mora. Časam čakajecca śnieh, mokry śnieh. Viecier zachodni 5—10 m/s, dniom paryvy da 14 m/s. Miescami słaby hałalod. Na asobnych učastkach daroh hałalodzica. Tempieratura pavietra nočču minus 1—7°S, dniom minus 3 — plus 2°S.
U Minsku pachmurna, časam śnieh, mokry śnieh, słaby hałalod, na asobnych učastkach daroh hałalodzica. Viecier zachodni 5—10 m/s, dniom paryvy da 12 m/s. Tempieratura pavietra nočču minus 2—4°S, dniom kala 0°S.
«U niadzielu čakajecca paharšeńnie nadvorja, jaho abumović hałoŭnym čynam tyłavaja častka cykłona z centram nad paŭnočnym zachadam Jeŭrapiejskaj terytoryi Rasii, i aktyŭnyja atmaśfiernyja franty, jakija prachodziać praz našu krainu, pryniasuć časam śnieh, u asobnych rajonach mocny śnieh. Najbolej intensiŭny śnieh čakajecca pa paŭnočnym uschodzie Biełarusi», — adznačyŭ Rabaŭ. U asobnych rajonach uzmacnieńnie vietru paryvami da 15—18 m/s, zavieja. Miescami na darohach hałalodzica. Tempieratura pavietra nočču nočču minus 1—7°S, dniom minus 4 — plus 2°S.
U Minsku pachmurna, časam śnieh, mokry śnieh, słaby hałalod, na asobnych učastkach daroh hałalodzica. Viecier zachodni 5—10 m/s, paryvy da 14 m/s, słabaja zavieja. Tempieratura pavietra nočču minus 3—5°S, dniom minus 3°S.
Nočču ŭ paniadziełak, 9 lutaha, u asobnych rajonach zavieja, uzmacnieńnie vietru paryvami da 15—18 m/s. Dniom viecier pačnie ścichać, nadvorje narmalizujecca. Na bolšaj častcy terytoryi na praciahu sutak karotkačasovy śnieh, na darohach miescami hałalodzica. Tempieratura pavietra nočču minus 5—11°S, pry prajaśnieńniach da minus 15°S, dniom minus 2—9°S.
