Pytańnie dysparytetu cen, što skłaŭsia ŭ Biełarusi ŭ paraŭnańni z Rasijskaj Fiederacyjaj (Branskaj i Smalenskaj abłaściami), uzdymałasia rasijskim žurnalistam 29 studzienia ŭ Minsku na pres-kanfierencyi Alaksandra Łukašenki, jaki tady daručyŭ vyvučyć stan cen na charčavańnie ŭ paraŭnańni z rasijskim.
Jak paviedamlaje Ministerstva handlu, na padstavie źviestak aficyjnaj statystyki (Rasstata i Biełstata) praviedzieny paraŭnalny analiz roźničnych cen na asnoŭnyja charčovyja tavary i asobnyja niecharčovyja tavary (usiaho 30 tavarnych pazicyj) za apošnija piać miesiacaŭ u Respublicy Biełaruś u paraŭnańni z Centralnaj Fiederalnaj akruhaj Rasijskaj Fiederacyi (CFA), u haradach Minsku i Maskvie.
CFA ŭklučaje 18 subjektaŭ fiederacyi, u tym liku Maskvu i sumiežnyja ź Biełaruśsiu Smalenskuju i Branskuju vobłaści.
Pa vynikach analizu ŭ Minhandlu pryjšli da vysnovy, što ŭ vieraśni—kastryčniku 2014 hoda ceny ŭ Biełarusi «byli krychu nižejšyja, čym u CFA». Pry hetym siarednija suadnosiny roźnicy ŭ cenach pa analizavanym nabory tavaraŭ vahalisia ad 14,6% na 1 vieraśnia da 2,6% na 1 listapada.
«U listapadzie—śniežni 2014 hoda ŭ krainie nazirałasia niekatoraje pieravyšeńnie ŭzroŭniu cen u paraŭnańni ź ich uzroŭniem u CFA, što, na našu dumku, źjaŭlajecca vynikam rezkaha padzieńnia kursu rasijskaha rubla da dołara ZŠA.
Pry hetym u śniežni 2014 hoda ceny na spažyvieckija tavary ŭ Respublicy Biełaruś praktyčna nie źmianialisia», — havorycca ŭ paviedamleńni Minhandlu.
Adznačajecca, što samy istotny dysparytet cen u Biełarusi ŭ paraŭnańni z CFA naziraŭsia ŭ listapadzie—śniežni 2014 hoda (na 01.01.2015 — da 8,6%). Padobnaja da hetaj situacyja składvałasia taksama ŭ stalicach.
«U metach ustaranieńnia nazvanaha dysparytetu dziaržavaj byŭ pryniaty šerah apieratyŭnych mier.
U vyniku pa stanie na 30.01.2015 u krainie analizavany «košyk» tavaraŭ kaštuje tańniej na 5,3%, u paraŭnańni stalic dźviuch dziaržaŭ — roźnica składaje 11,5% na karyść Minska», — śćviardžajuć u Minhandlu.
