U najbližejšyja sutki nadvorje ŭ Biełarusi budzie hałoŭnym čynam vyznačać vobłaść pavyšanaha atmaśfiernaha cisku.
Jak paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantrolu radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ, u aŭtorak dniom u paŭnočna-zachodnich rajonach adabjecca ŭpłyŭ frantalnaha padziełu. Nočču miescami słaby śnieh.
Dniom pa paŭnočna-zachodniaj pałovie nievialiki śnieh, mokry śnieh, miescami tuman, hałalod. Na asobnych učastkach daroh hałalodzica.
Tempieratura pavietra nočču minus 9—16°S, pa paŭnočnym uschodzie minus 17—22°S, u paŭdniova-zachodnich rajonach minus 4—8°S, dniom minus 1—6°S, pa zachadzie da plus 2°S.
«Dalej kraina budzie znachodzicca ŭ vobłaści pavyšanaha atmaśfiernaha cisku, i da nas buduć pastupać ciaplejšyja, ale vilhotnyja pavietranyja masy z Zachodniaj Jeŭropy», — adznačyŭ sinoptyk.
U sieradu i čaćvier miescami projduć nievialikija apadki (mokry śnieh, doždž), čakajecca tuman, hałalod, na darohach hałalodzica. Marazy asłabnuć, tempieratura pavietra nočču składzie 0 — minus 7°S, u sieradu pa paŭdniovym uschodzie da minus 10°S, dniom minus 3 — plus 3°S.
Ź piatnicy i da kanca tydnia zachavajecca ŭpłyŭ vobłaści pavyšanaha cisku i ciopłaha pavietra.
U asobnych rajonach nievialikija apadki (doždž, mokry śnieh), tuman, słaby hałalod, na darohach hałalodzica. Tempieratura pavietra nočču 0 — minus 7°S, pry prajaśnieńniach da minus 8—10°S, dniom ad minus 3 pa paŭnočnym uschodzie da plus 4°S pa paŭdniovym zachadzie krainy.
