Aleksandr Łukašenka nieadnojčy padkreślivaŭ, što biełarusy — heta tyja ž ruskija, tolki «sa znakam jakaści». Što ŭsio ž taki adroźnivaje nas ad ruskich, my zapytalisia ŭ samich biełarusaŭ. 



Adkazy apytanych: 

0:06 My dabrejšyja, mnie zdajecca, i bolš dabrazyčlivyja — ja niadaŭna ŭ Rasii była.

0:16 U mianie bahata siabroŭ u Rasii i ŭsie jany davoli dobryja ludzi. Tamu ich ad nas chiba što akcent adroźnivaje, i schilnaść da ałkaholu.

0:25 Bajusia, što maskali mianie kamniami zakidajuć… Nam naviazali, što biełarus — «pan sachi i kasy», što my sialanie i spradvieku imi byli… Tamu ciapier u bolšaści ludziej ułasnaha mierkavańnia niama i roźnicu pamiž narodami jany nie bačać: 90% biełarusaŭ ličać, što «my — ruskija i zaŭsiody imi byli», a ŭsia našaja historyja — heta tak, chtości jaje prydumaŭ.

0:51 Mnie zdajecca, što ŭ biełarusaŭ bolš šyrokaja duša: my bolš dobryja, vietlivyja, haścinnyja.

0:59 My žyviom u Biełarusi, i ŭ hetym usia roźnica. Pałova Rasii vuń va ŭciokach chodziać — bandyty!

1:06 Mahčyma, biełarusy bolš vychavanyja.

1:08 Adzin i toj ža narod — naradzilisia i vyraśli ŭ adnoj krainie. Ja sam ruski.

1:13 My adzin narod. Ja navat bolš skažu — našaja mova, jak mnie zdajecca, bolš vydumanaja, čym sapraŭdnaja.

1:24 Ja adčuvaju siabie lićvinam! I ruskija dla mianie — heta złyja ludzi, jany vielmi nachabnyja, pakryŭdžanyja. A biełarusy dobryja ludzi. Kali pryjechać, naprykład, u Homiel ci Žłobin, to tamtejšyja zaŭsiody dapamohuć, zaŭsiody dabrazyčlivyja.

1:50 U nas i tradycyi roznyja, i ludzi bolš havarkija.

1:56 Usie my savieckija ludzi, hramadzianie Savieckaha Sajuza.

2:00 U nas, u Biełarusi, bolš spadziajucca na dziaržavu. A ŭ Rasii i Ukrainie kožny namahajecca sam vyrašać svoj los, a nie spadziavacca, što chtości prydzie i vyrašyć tvaje prablemy.

2:17 Ruskija bolš šavinistyčnaja nacyja, bo ich bolš. A biełarusaŭ mienš — biełarusy bolš «zakrytyja».

2:25 Ruskija ceniać siabie — jany ličać siabie ruskimi, što takimi i treba zastavacca. A ŭ nas, u Biełarusi, užo i nacyjanalnaści niama — my nie ličym siabie biełarusami. Zastalisia adzinki tych, chto razmaŭlaje pa-biełarusku, a ŭ bolšaści ŭžo ni movy, ničoha nie zastałosia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?