rbc.ua
Mahčymaść zachavać samaabvieščanuju Łuhanskuju narodnuju respubliku (ŁNR) u składzie abnoŭlenaj u ramkach Minskich damoŭlenaściej Ukrainy razhladajecca, ale tolki čas pakaža, ci pa šlachu respublicy z Kijevam. Takuju zajavu zrabiŭ na bryfinhu ŭ ŁuhanskInfarmCentry kiraŭnik ŁNR Ihar Płatnicki.
«Ci budziem my ŭ składzie Ukrainy? Heta budzie zaležać ad taho, jakaja Ukraina budzie. Taja, jakaja ciapier jość — nie, my nikoli nie budziem z takoj Ukrainaj u adnym składzie», — skazaŭ lidar ŁNR.
Kali ž kijeŭskija ŭłady praviaduć tyja reformy, jakija praduhledžany ŭ padpisanym 12 lutaha kompleksie mier pa vykanańni minskich pahadnieńniaŭ, to heta budzie ŭžo inšaja kraina. Tady — «mahčyma», skazaŭ Płatnicki.
«Pahladzim, čym heta skončycca i jak», — rastłumačyŭ kiraŭnik respubliki.
«My nikoli nie kazali, što vajujem z narodam Ukrainy. Usio zaležyć ad taho, jaki ŭ nas narod, chto našy susiedzi. Kali my dla ich — terarysty, sieparatysty, vorahi, to i jany nam nie braty», — skazaŭ Płatnicki.
«Kali adbudziecca źmiena palityčnaha ładu, heta zdymie šory z vačej u naroda, jany pačujuć toje, što adbyvajecca ŭ śviecie, a nie toje, što metanakiravana ŭbivajecca im u hałavu» — «tady i pahladzim, z kim my», adznačyŭ jon.
«Naš narod vykazaŭsia, my praviali «refierendum». My — za adździaleńnie ad takoj, ciapierašniaj Ukrainy. Zastaniemsia my ŭ składzie budučaj, novaj, abnoŭlenaj Ukrainy — pakaža čas. Na siońniašni dzień my nastrojeny na dakładnaje, žorstkaje razumieńnie taho, kudy my idziem», — zajaviŭ Płatnicki.
