Fota: Andrey Rudakov/Bloomberg
«Jandeks» padaŭ skarhu ŭ Fiederalniu antymanapolnuju słužbu Rasii i patrabuje pravierki Google na parušeńnie antymanapolnaha zakanadaŭstva, pieradaje Lenta.ru.
Google daminuje na mabilnym rynku — apieracyjnaja sistema Android ustalavanaja na 84% smartfonaŭ u śviecie.
«Jandeks» turbuje toje, što Google «moža stavić lubyja abmiežavańni — až da zabarony na supracoŭnictva z kankurujučymi servisami».
Jak śćviardžaje «Jandeks», Google zabaraniŭ papiaredniuju ŭstaloŭku («z karobki») usich siervisaŭ «Jandeksa» na mabilnyja pryłady Fly, Explay i Prestigio. Ustaloŭka prahram «Jandeksa» karystalnikam na ich nie zabaronienaja, ale pa zmoŭčańni vykarystoŭvajucca servisy Google.
Pad udar, na dumku «Jandeksa», mohuć trapić i inšyja kampanii, čyje pradukty kankurujuć z servisami Google, a taksama inšyja vytvorcy pryład, jakija mohuć «stracić bolš pryvabnyja varyjanty.
Google, moža vystaŭlać lubyja ŭmovy na vykarystańnie svaich praduktaŭ — u pryvatnaści, mahazinu prahram Play Store. Na dumku «Jandeks», što maje ŭłasny mahazin prahram Yandex Store, biez Play Store «praktyčna niemahčyma pradavać pryłady na Android».
Antymanapolnaje rasśledavańnie dziejnaści Google u Jeŭropie viadzie taksama Jeŭrakamisija.
U 2011 hodzie «Jandeks» nabyŭ hrafičnuju abałonku SPB.Shell i vypuściŭ jaje ŭviesnu 2012 hoda pad nazvaj «Jandieks.Shell». Usie mahčymyja servisy Google (pošuk, pošta, karty i h.d) u joj zamienienyja na anałahi «Jandeks». Kampanija zajaŭlała ab płanach pa ŭstaloŭcy «Jandieks.Shell» jak abałonki pa zmoŭčańni na niekatorych smartfonach, pryznačanych dla rasijskaha rynku, a taksama ab mahčymaści ŭstaloŭki bolš hłybokaj madyfikacyi Android pad nazvaj «Jandeks.Kit».
