Vyjava: Michael Osadciw/University of Rochester

Vyjava: Michael Osadciw/University of Rochester

Pavodle daśledavańnia mižnarodnaj hrupy astrafizikaŭ, apublikavanaha ŭ časopisie Astrophysical Journal Letters, znojdzienaja ŭ 2013 hodzie zorka Šolca stała pieršaj viadomaj zorkaj, što pralatała ŭ miežach Soniečnaj sistemy.

Siońnia zorka Šolca znachodzicca ŭ 20 śvietłavych hadach ad Ziamli i nie bačnaja niaŭzbrojenym vokam. Ale navukoŭcy miarkujuć, što 70 tysiač hod tamu jaje mahli nazirać ludzi ŭ Afrycy.

Z vyličanych 10 tysiač mahčymych trajektoryj 98% prachodzili 70 tysiač hod tamu praz hipatetyčnaje vobłaka Aorta.

Znachodžańnie tam zorki mahło pryvieści da aktyvacyi karotkačasovych kamietnych daždžoŭ. Ale praz małuju masu i nizkuju chutkaść zorki Šolca navukoŭcy kažuć ab małym efiekcie na arbity kamiet vobłaka.

Tak supała, što ŭ hety ž čas na Ziamli adbyłosia supiervyviaržeńnie vułkana Toba, što mahło vyklikać hłabalnaje pachaładańnie — apošni ledavikovy pieryjad — i pastavić čałaviectva na miažu vymirańnia.

* * *

Vobłaka Aorta ličycca miažoj soniečnaj sistemy. Heta vobłaść ŭ miežach da adnoha śvietłavaha hodu ad Sonca, jakaja słužyć krynicaj doŭhapieryjadyčnych kamiet.

Zorka Šolca jość sistemaj z čyrvonym karlikam, masa jakoha składaje prykładna 8,2% masy Sonca, i karyčnievym karlikam z masaj u 6,2% masy Sonca.

* * *

Inšym kandydatam u «hości» Soniečnaj sistemy jość zorka HIP 85605, jakaja mahła znachodzicca na adlehłaści mieniej za śvietłavy hod ad Ziamli ŭ pieryjad z 240 da 470 tysiač hod tamu. Najbližejšaja da Ziamli zorka siońnia — Proksima Centaŭra na adlehłaści ŭ 4,2 śvietłavoha hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?