Prezident Ukrainy Piatro Parašenka ŭ Arciomaŭsku naviedaŭ raźmiaščeńnie vyviedzienych z Debalcava ŭkrainskich vajskoŭcaŭ.

Pra heta jon paviedamiŭ na svajoj staroncy ŭ Facebook.

«Naviedaŭ raźmiaščeńnie ŭkrainskich vajskoŭcaŭ, jakija byli pierahrupavanyja z Debalcava. Uručyŭ dziaržaŭnyja ŭznaharody i prainfarmavaŭ ab prysvajeńni zvańnia Hieroja Ukrainy pałkoŭniku Siarhieju Šaptału», — napisaŭ kiraŭnik dziaržavy.

Parašenka vykazaŭ padziaku kamandziru 128-j Mukačaŭskaj horna-piachotnaj bryhady Šaptału i ŭsiamu asabovamu składu «za ŭzornaje vykanańnie bajavoha zadańnia, za mužnaść i hieraizm, jakija vy prademanstravali na praciahu 6 miesiacaŭ». «Siońnia vami hanarycca nie tolki Mukačava i Zakarpaćcie, a ŭsia Ukraina», — dadaŭ jon.

Taksama jon zajaviŭ, što kožnamu miechaniku-kiroŭcu, jaki vyvieŭ techniku z pola boju, budzie vypłačana premija i padvyšanaja zarpłata, a ŭsie častki, jakija vyjšli z Debalcava, buduć adpraŭlenyja na ratacyju.

Kamandzir 128-j Mukačaŭskaj horna-piachotnaj bryhady Hieroj Ukrainy Siarhiej Šaptała padkreśliŭ, što sałdaty imknulisia trymać pazicyi da apošniaha. «Skažu za svaju bryhadu, za kožnaha svajho vajskoŭca — zadačy svaje jany vykanali ŭ poŭnym abjomie. Nichto z bajcoŭ nie adyšoŭ, nie pakinuŭ svaje pazicyi. Liču, što heta hieraizm kožnaha sałdata», — skazaŭ kamandzir, zaŭvažyŭšy, što vajskoŭcy stali pierahrupoŭvajucca tolki paśla zaćviardžeńnia sychodu Hienieralnym štabam.

U svaju čarhu pres-słužba Minabarony dadaje, što Parašenka naviedaŭ raźmiaščeńnie ŭkrainskich vajskoŭcaŭ padčas rabočaj pajezdki ŭ Danieckaj vobłaści ŭ horadzie Arciomaŭsk i pravioŭ naradu z vajennym kiraŭnictvam.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?