Izrailskija dajviery znajšli ŭ Mižziemnym mory najbujniejšy ŭ historyi krainy skarb załatych maniet. Sa dna mora ŭ havani Kiesaryi vyniali kala 2 tysiač maniet, jakija datujucca X-XI stahodździami našaj ery — jany znachodzilisia ŭ abarocie padčas Facimidskaha chalifata (909-1171 hady).
Action Press / Vida Press
Va Upraŭleńni staražytnaściami Izraila vykazali try zdahadki adnosna pachodžańnia maniet. Pavodle adnoj z hipotez, maniety pieravoziła sudna, jakoje nakiroŭvałasia ŭ Jehipiet z sabranymi padatkami i paciarpieła krušeńnie. Pa inšaj viersii, zołata pryznačałasia dla vypłaty vajennamu harnizonu ŭ Kiesaryi, pa treciaj — maniety znachodzilisia na borcie handlovaha sudna, što chadziła z porta ŭ port pa ŭźbiarežžy Mižziemnaha mora.
Znojdzieny skarb byŭ całkam pieradadzieny va Upraŭleńnie staražytnaściami Izraila. Košt jaho nieviadomy.
Facimidski chalifat — siaredniaviečnaja šyickaja (ismailickaja) arabskaja dziaržava. Padčas roskvitu chalifatu naležali terytoryi Jehipta, Mahryba, Palestyny i Siryi.
