Ab hetym paviedamiła hałoŭny sinoptyk Biełhidramieta Ludmiła Paraščuk.
Tak, u piatnicu, 20 lutaha, nočču ŭ mnohich rajonach, dniom miescami čakajucca nievialikija apadki (mokry śnieh, doždž). U asobnych rajonach tuman, hałalod, na darohach hałalodzica. Tempieratura pavietra nočču składzie ad minus 3 da plus 2 hradusaŭ, dniom budzie ad nula da plus 6 hradusaŭ.
U subotu i niadzielu miescami prahnazujucca karotkačasovyja apadki taksama ŭ vyhladzie daždžu i mokraha śniehu. U asobnych rajonach tuman, słaby hałalod, na darohach hałalodzica. Tempieratura pavietra nočču składzie ad minus 4 da plus 2 hradusaŭ, dniom - ad nula da plus 5 hradusaŭ, pa paŭdniovym zachadzie krainy pavietra prahrejecca da 7 hradusaŭ ciapła.
«U pačatku nastupnaha tydnia kardynalnych źmianieńniaŭ u charaktary nadvorja nie pradbačycca, — adznačyła Ludmiła Paraščuk.
— Terytoryja našaj krainy apyniecca pad upłyvam atmaśfiernych frantoŭ, jakija pieramiaščajucca z paŭdniovaha zachadu Jeŭropy. Jany buduć vyznačać niaŭstojlivy charaktar nadvorja».
23-25 lutaha na bolšaj častcy terytoryi krainy projduć apadki (doždž, mokry śnieh). Miescami mahčymy tuman, nočču i ranicaj słaby hałalod, na asobnych učastkach daroh hałalodzica. Tempieratura pavietra nočču składzie ad minus 3 da plus 3 hradusaŭ, dniom čakajecca 2-7 hradusaŭ ciapła.
