21 lutaha mižnarodnaja supolnaść štohod adznačaje dzień Rodnaj movy. Tavarystva biełaruskaj movy zaklikaje ŭziać udzieł u VIII Usiebiełaruskaj dyktoŭcy ŭ miežach kampanii «Budźma», jakuju prapanujecca pisać pa tvorach Franciška Bahuševiča, Ryhora Baradulina i Hienadzia Buraŭkina.
Z tekstami dyktoŭki možna aznajomicca tut.
Mierapryjemstva prajdzie 21 lutaha na siadzibie TBM (Minsk, vuł. Rumiancava, 13). Pačatak u 11:00, uvachod volny. Udzielniki dyktoŭki atrymajuć pamiatnyja pryzy ad TBM.
Jašče adna dyktoŭka budzie praviedzienaja TBM na Śviacie Rodnaj Movy 22 lutaha u biźnies-kłubie «Imaguru».
Akramia taho, dyktoŭki projduć na Lidčynie:
21 lutaha, 12:00 — biblijateka h. Biarozaŭka
22 lutaha u 10:30 i 25 lutaha u 13:45 — Lida, Centralnaja rajonnaja biblijateka imia Janki Kupały.
Taksama dyktoŭku płanujecca pravieści ŭ Lidskim kaledžy, čas udakładniajecca.
Dyktoŭku, hałoŭnaj metaj jakoj źjaŭlajecca papularyzacyja i padtrymka biełaruskaj movy, pišuć nie tolki ŭ Biełarusi.
23 lutaha ahulnabiełaruskaja dyktoŭka adbudziecca ŭ Varšavie a 18 hadzinie ŭ Collegium Civitas (Aula A, XII pavierch., PKiN, pl. Defilad 1, Warszawa).
«Biełaruskaja Nacyjanalnaja Pamiać» zaprašaje ŭsich achvotnych pryniać udzieł u hetaj važnaj i hanarovaj padziei.
Taksama biełaruskaja dyktoŭka ŭpieršyniu adbudziecca ŭ Stambule.
«Biełaruskaja Nacyjanalnaja Pamiać» zaprašaje biełarusaŭ, što znachodziacca ŭ Turcyi, a taksama ŭsich zacikaŭlenych biełaruskaj kulturaj na sustreču, jakaja adbudziecca 21 lutaha a 20-j hadzinie ŭ Piraye Kafe.
Nâzım Hikmet Kültür Merkezi İstanbul
Ali Suavi Sokağı (Sanatçılar Sokağı), No: 7
Bahariye – İstanbul
