Tyzier klipa:
Folk-hurt Vuraj źniaŭ śvij debiutny videaklip na pieśniu «Sasna pachiliłasia» z alboma «Rajok». Ale sam hurt pakul nie bačyŭ vynikovuju rabotu režysiora, raspaviadaje Generation.by.
Hurt damoviŭsia zrabić klip z režysioram Arciomam Łobačam, raboty jakoha ŭdzielnikam hurta zaŭždy padabalisia, dy dali režysioru samomu abrać pieśniu.
Režysior abraŭ «niefarmatnuju» 7-chvilinnuju pieśniu «Sasna pachiliłasia».
Lidar hurta Siarhiej Doŭhušaŭ tłumačyć: pieśnia spałučaje i nea-folk, i kłasičny folk, i minimalizm. «Sasna» — chreśbinny śpieŭ, redkaja źjava, što sustrakajecca pieravažna ŭ biełaruskaj kultury. Jak u pieśni, tak i ŭ klipie zaŭvažnaje spałučeńnie chryścijanstva ź jazyčnickimi tradycyjami.
Klip zdymaŭsia na Hrodzienščynie ŭ naturalnych umovach.
Hurt straciŭ aśviatleńnie, złamałasia dym-mašyna — pryjšłosia vykarystoŭvać naturalnaje śviatło i razvodzić vohniščy.
Vynikovuju viersiju sam hurt pakul nie bačyŭ. Navat sceny z aktorami režysior zdymaŭ asobna. Ale Doŭhušaŭ miarkuje, što klip vyjdzie dobrym: «My dumajem, što klip možna budzie pakazać na zamiežnych klipavych i kina-festach, jahonaja asnoŭnaja kaštoŭnaść – praca režysiora Arcioma Łobača, jaki stvaryŭ karotki mastacki film na asnovie našaj pieśni, i vydatnaja praca apieratara Alaksandra Alejnikava».
Prezientacyja klipu adbudziecca 27 lutaha na kancercie ŭ Studio 67 (Partyzanski pr-t, 2a). Pačatak u 19:00, uvachod volny.
