Aktyvisty HA «Alternatyva» (zarehistravana ŭ Łatvii) Siarhiej Kačura i Uładzisłaŭ Zapasaŭ, zatrymanyja 20 lutaha ŭ centry Minska, aštrafavanyja na 50 bazavych vieličyń (9 młn rubloŭ) kožny.
Jak paviedamiŭ staršynia «Alternatyvy» Aleh Korban, sud Savieckaha rajona pryznaŭ ich vinavatymi ŭ niepadparadkavańni zakonnym patrabavańniam supracoŭnikaŭ milicyi. «Ciapier jany abodva ŭžo jeduć dadomu», — skazaŭ Korban.
Zatrymanyja razam ź imi Volha Žuraŭlova, pres-sakratar «Alternatyvy» Volha Burnievič, niepaŭnahadovy Dzianis Samsončyk i fotakarespandent «Našaj nivy» Siarhiej Hudzilin adpuščanyja z RUUS biez składańnia pratakołaŭ.
Jak paviedamlałasia raniej, aktyvisty «Alternatyvy» byli zatrymanyja kala apoŭdni niedaloka ad płoščy Jakuba Kołasa ŭ toj momant, kali rasklejvali płakaty da Dnia rodnaj movy, jaki adznačajecca 21 lutaha. «Da ich padbiehli ludzi ŭ cyvilnym i praviali ŭ milicejskuju mašynu», — raspavioŭ Aleh Korban.
