Prezident Rasii Uładzimir Pucin pravioŭ apieratyŭnuju naradu z členami Savieta biaśpieki RF, na jakim abmierkavaŭ pastaŭki hazu va Ukrainu, u tym liku ŭ paŭdniova-zachodni rehijon. Pra heta paviedamiŭ pres-sakratar kiraŭnika dziaržavy Dźmitryj Piaskoŭ.
«Na pasiadžeńni abmiarkoŭvaŭsia chod realizacyi minskich damoŭlenaściej na paŭdniovym uschodzie Ukrainy», — skazaŭ Piaskoŭ. «Asablivaja ŭvaha była nadadzienaja temie pastavak hazu na Ukrainu, u tym liku ŭ paŭdniova-zachodni rehijon», — adznačyŭ pres-sakratar, dadaŭšy, što pa hetym pytańni detalovaja infarmacyja była pradastaŭlena premjer-ministram Dźmitryjem Miadźviedzievym. «Taksama abmiarkoŭvalisia aktualnyja pytańni ŭnutryrasijskaha ekanamičnaha paradku dnia», — dadaŭ Piaskoŭ.
Rašeńnie ab pastaŭkach hazu praz praz hazavymiaralnyja stancyi «Procharaŭka» i «Płatava» było pryniata napiaredadni «Hazpromam» pa rasparadžeńni premjer-ministra RF Dźmitryja Miadźviedzieva.
Na pasiadžeńni ŭrada RF u čaćvier u adkaz na zvarot pradstaŭnikoŭ DNR i ŁNR ab humanitarnaj dapamozie jon zahadaŭ Minenierha i «Hazpromu» padrychtavać prapanovy ab pastaŭkach hazu ŭ paŭdniova-ŭschodnija rehijony Ukrainy.
