Kampanija Durex apublikavała rejtynh samych zdradlivych nacyj. Pieršaje miesca ŭ śpisie zaniali žychary Tajłanda, śledam za imi iduć datčanie i italjancy. Pra heta paviedamlaje partał The Ritches.
AFP
Daśledavańnie Sexual Wellbeing Global Survey tyčyłasia nie tolki pytańniaŭ zdrady, ale i sieksualnaha zdaroŭja ŭ cełym. Z rejtynhu vynikaje, što 56% žycharoŭ Tajłanda zdradžvajuć svaim partnioram. Adznačajecca, što mnohija šlubnyja pary ŭ krainie viaduć biazładnaje pałavoje žyćcio.
U praviedzienym Durex apytańni pryniali ŭdzieł 26 tysiač čałaviek z 26 krain śvietu. U kožnaj z krain było apytana pa tysiačy čałaviek.
U daśledavańni ŭdakładniajecca, što ŭ Francyi i Hiermanii bolšaść žycharoŭ prymajuć zdradu i nie razhladajuć jaje jak padstavu dla razryvu adnosin.
Top-10 krain, žychary jakich zdradžvajuć svaim partnioram čaściej za ŭsio, vyhladaje tak:
1. Tajłand (56%)
2. Danija (46%)
3. Italija (45%)
4. Hiermanija (45%)
5. Francyja (43%)
6. Narviehija (41%)
7. Bielhija (40%)
8. Ispanija (39%)
9. Vialikabrytanija (36%)
10. Finlandyja (36%)
Adznačajecca, što apytańnie mieła ananimny charaktar.
