Na Michajłaŭskaj płoščy Kijeva pačała pracu dakumientalnaja vystava «Prysutnaść. Dokazy ahresii rasijskich vojsk na terytoryi Ukrainy», paviedamiŭ sajt ukrainskaha Ministerstva abarony.
Źbity i zachopleny ŭkraincami rasijski vajskovy bieśpiłotnik Hranat-4.
Vystava demanstruje bojeprypasy, uzory ciažkaj bajavoj techniki, strałkovaj zbroi, bieśpiłotniki, dakumienty, vopratku, jakija śviedčać pra maštabnuju padtrymku bajevikoŭ z boku RF i niepasredny ŭdzieł rasijskaj armii ŭ bajach suprać ukrainskaj armii, kažuć arhanizatary.
«Tut možna ŭbačyć zachoplenyja ŭkrainskimi vajskoŭcami padčas apieracyi ŭ Debalcavie hranatamioty, jakija nie vyrablajucca na terytoryi Ukrainy», — zajaviŭ ministr abarony Ukrainy Ściapan Pałtarak.
Na druhim płanie — trafiejnaja RSZA Hrad na šasi rasijskaha Uralskaha aŭtazavoda.
Vystava adkryta z 21 pa 29 lutaha z 10.00 da 22.00. Častka ekspanataŭ potym budzie pieradadzienaja Muzieju Vialikaj Ajčynnaj vajny, inšyja viernucca ŭ śledčyja ŭstanovy ŭ jakaści rečavych dokazaŭ.
