 |
A.Łukašenka: da 1 lutaha prajekt ukaza «Ab niekatorych pytańniach dolevaha budaŭnictva» pavinien być dapracavany
Da 1 lutaha 2008 hoda prajekt ukaza prezidenta Biełarusi «Ab niekatorych pytańniach dolevaha budaŭnictva» pavinien być dapracavany i ŭniesieny na podpis kiraŭniku dziaržavy. Adpaviednaje daručeńnie daŭ 21 studzienia Alaksandr Łukašenka pa vynikach narady, na jakoj abmiarkoŭvałasia situacyja na rynku dolevaha budaŭnictva žylla ŭ respublicy. Ab hetym BIEŁTA paviedamili ŭ pres‑słužbie prezidenta.
U Biełarusi sistemnaja rabota pa dolevamu budaŭnictvu žylla viadziecca z 1998 hoda. Adnak adsutnaść kompleksnaha rehulavańnia hetaha pracesu pryviało da roznych padychodaŭ rehijonaŭ i budaŭničych arhanizacyj u hetaj śfiery i ŭščamleńniu intaresaŭ dolščykaŭ. Hramadzianie časta sutykalisia z tym, što budarhanizacyi parušali zajaŭlenyja terminy zdačy damoŭ u ekspłuatacyju, značna pavyšali košt žylla niepasredna ŭ pracesie jaho budaŭnictva. Šmat narakańniaŭ vyklikała i jakaść žylla, jakoje ŭzvodzicca.
U suviazi z hetym uźnikła nieabchodnaść udaskanaleńnia zakanadaŭstva ŭ hetaj śfiery. Ekśpiertami ŭrada i Administracyi prezidenta byŭ raspracavany pieralik mier, što rehłamientavali pravaadnosiny zabudoŭščykaŭ i dolščykaŭ i nakiravany, pierš za ŭsio, na abaronu pravoŭ hramadzian. U červieni 2006 hoda byŭ pryniaty ŭkaz numar 396 «Ab dolevym budaŭnictvie šmatkvaternych žyłych damoŭ», jakim byli ŭviedzieny žorstkija normy dziaržrehulavańnia, u tym liku ŭ častcy zachavańnia niaźmiennaha koštu žylla ŭ pracesie budaŭnictva.
Adnak u realnaści ŭzmacnieńnie žorstkaści na rynku dolevaha budaŭnictva pryviali da taho, što budaŭničyja arhanizacyi stracili kamiercyjny intares: bo navat pa abjektyŭnych pryčynach, źviazanych, naprykład, z padaražeńniem budaŭničych materyjałaŭ, niemahčyma było ažyćciaŭlać karekciroŭku cen dla dolščykaŭ. U vyniku dolevaje budaŭnictva ŭ respublicy było praktyčna spyniena. A heta, u svaju čarhu, vyklikała značny rost cen na rynku druhasnaha žylla. U suviazi z hetym uźnikła nieabchodnaść znoŭ viarnucca da razhladu prablem dolevaha budaŭnictva ŭ Biełarusi na ŭzroŭni prezidenta.
Jak padkreśliŭ u čas narady kiraŭnik dziaržavy, va ŭźnikšaj situacyi vinavaty ŭrad i Administracyja prezidenta, jakija nie praduhledzieli ŭsie nastupstvy raniej prapanavanych mier.
«Čamu tak adrehulavali, što dolevaje budaŭnictva było zhornuta i hramadzianie byli pazbaŭleny mahčymaści ŭdziełu ŭ im?» — zadaŭ rezonnaje pytańnie Alaksandar Łukašenka.
«Niama nieabchodnaści havaryć, što budaŭnictva žylla ŭ Biełarusi jašče doŭha budzie pryjarytetam. Heta nie tolki vyrašeńnie hałoŭnaj prablemy dla hramadzian, ale i dobry łakamatyŭ dla raźvićcia ekanomiki», — padkreśliŭ prezident.
 Alaksandar Łukašenka |
Siońnia ŭ Biełarusi, pavodle jaho słoŭ, nieabchodna naroščvać abjomy budaŭnictva žylla, u tym liku za košt źbieražeńniaŭ hramadzian. U suviazi z hetym vielmi važna pradastavić budaŭničym arhanizacyjam mahčymaść umacoŭvać materyjalna‑techničnuju bazu. Budaŭniki pavinny mieć peŭny zazor u cenaŭtvareńni, prava karekciravać canu ŭ ramkach inflacyi, ličyć prezident. Adpaviednyja karekciroŭki nieabchodna ŭnieści ŭ dziejučyja narmatyŭna‑pravavyja dakumienty, adznačyŭ Alaksandr Łukašenka.
Adnak u asnovu biełaruskaha zakanadaŭstva ab dolevym budaŭnictvie žylla nieabchodna zakłaści intaresy hramadzian, pierakanany prezident.
«Važna znajści załatuju siaredzinu, što zadavoliła b i budaŭnikoŭ, i hramadzian, jakija ŭdzielničajuć u dolevym budaŭnictvie. Jany płaciać hrošy, a tamu pavinny viedać, jakoj jakaści budzie tavar, u jakija terminy i pa jakomu koštu», — zajaviŭ kiraŭnik dziaržavy.
U čas narady byli detalova praanalizavany pryčyny, što pieraškadžajuć raźvićciu rynku dolevaha budaŭnictva ŭ respublicy. Udzielniki mierapryjemstva vykazali svaje prapanovy pa prajektu ŭkaza «Ab niekatorych pytańniach dolevaha budaŭnictva», jaki pavinien stać impulkam dla «razmarožvańnia» ŭźnikšaj situacyi.
U liku płanujemych novaŭviadzieńniaŭ — pamier prybytku zabudoŭščyka nie pavinien pierasiahać 5 pracentaŭ ad kaštarysnaj vartaści abjekta dolevaha budaŭnictva adnosna žylla, što budujecca dla hramadzian, jakija stajać na ŭliku tych, chto maje patrebu ŭ palapšeńni žyllovych umoŭ. Na žyllo dla tych, chto takimi nie źjaŭlajucca, heta norma nie raspaŭsiudžvajecca.
Karekciroŭka cany ŭ chodzie budaŭnictva mahčyma tolki ŭ vypadku źmianieńnia ŭ adpaviednaści z zakanadaŭstvam statystyčnych indeksaŭ u suviazi z padaražeńniem budaŭniča‑mantažnych rabot abo źmianieńnia zakanadaŭstva ab vypłacie ŭskosnych padatkaŭ.
Jak varyjant razhladałasia mahčymaść pavieličeńnia cany na žyllo, što budujecca, u adpaviednaści sa źmianieńniem techničnych narmatyŭnych pravavych aktaŭ.
Jak było adznačana, siońnia ŭ siarednim kvadratny mietr žylla, jakoje ŭzvodzicca dla tych, chto maje patrebu, kaštuje $490. Adnym sa sposabaŭ niedapuščeńnia rezkaha rostu cen u śfiery žyllovaha budaŭnictva dziaržava bačyć u pavieličeńni abjomaŭ budaŭnictva žylla. Płanujecca, što da 2010 hoda ŭ haradach nie mienš za 80 pracentaŭ ad ahulnaha abjomu ŭzvodzimaha žylla budzie advodzicca dla hramadzian, jakija majuć patrebu ŭ palapšeńni žyllovych umoŭ. Heta ž datyčycca i dolevaha budaŭnictva.
 Piotar Prakapovič |
 Natalla Piatkievič |
 Leanid Anfimaŭ |
Kab skaracić pieradumovy dla mahčymaha padaražeńnia koštu žylla ŭ pracesie budaŭnictva, dahavory z dolščykami pavinny zaklučacca tolki paśla taho, jak buduć vyrašany ŭsie prajektna‑kaštarysnyja pytańni, pierakanany Piotr Prakapovič. Takim čynam, budaŭniki nie zmohuć pierakładvać na plečy dolščykaŭ apłatu niedapracovak i niedachopaŭ prajekciroŭščykaŭ abo hieadezistaŭ.
Prezident padtrymaŭ dumku namieśnika kiraŭnika Administracyi prezidenta Natalli Piatkievič, jakaja vystupiła za skaračeńnie kolkaści techničnych umoŭ, što dajuć mahčymaść uźnimać canu ŭ pracesie budaŭnictva.
Alaksandr Łukašenka padkreśliŭ, što ŭkaz naohuł pavinien praduhledžvać minimum akaličnaściej, uźniknieńnie jakich budzie ličycca padstavaj dla padaražeńnia dolevaha budaŭnictva.
U čas abmierkavańnia namieśnik kiraŭnika Administracyi prezidenta Leanid Anfimaŭ vykazaŭsia suprać ustanaŭleńnia abmiežavańniaŭ uzroŭniu rentabielnaści pry budaŭnictvie žylla dla hramadzian, jakija nie stajać na ŭliku tych, chto maje patrebu ŭ palapšeńni žyllovych umoŭ.
Adbyłasia taksama dyskusija pa ahulnych pytańniach žyllovaha budaŭnictva. Hetaj tematycy budzie pryśviečana asobnaja narada ŭ prezidenta Biełarusi. Jak było adznačana, siońnia davoli vostra staić prablema adtoku za miažu śpiecyjalistaŭ, zaniatych u śfiery budaŭnictva. U jakaści adnaho z varyjantaŭ u suviazi z hetym Piotr Prakapovič prapanavaŭ admianić narmiravańnie zarabotnaj płaty ŭ budaŭnictvie. Heta daść mahčymaść budarhanizacyjam pavialičvać zarpłaty svaim supracoŭnikam u zaležnaści ad atrymanaha prybytku i pavysić u śpiecyjalistaŭ zacikaŭlenaść pracavać u svajoj krainie, a nie vyjazdžać niekudy na zarabotki.
Padvodziačy vyniki abmierkavańnia, Alaksandr Łukašenka padkreśliŭ:
«Dolevaje budaŭnictva pavinna być adrodžana ŭ bližejšy čas. Toje, što novy dakumient budzie padpisany tolki ŭ hetym hodzie, — vialiki niedachop. Biezumoŭna, budaŭnikam treba mienš davać prałazaŭ dla pavyšeńnia koštu žylla. I tam, dzie my možam dapamahčy nasielnictvu, — dapamahčy treba. Ale kali my niedzie «zaciskajem» ekanomiku, nieabchodna pryniać terminovyja miery».
Kiraŭnik dziaržavy daručyŭ Natalli Piatkievič i Piatru Prakapoviču na praciahu hoda ažyćciaŭlać dakładny manitorynh realizacyi ŭkaza i dałažyć ab rezultatach pa vynikach 2008 hoda.
