Bi-Bi-Si

Bi-Bi-Si

Były ziać prezidenta Kazachstana Nursułtana Nazarbajeva Rachat Alijeŭ, jaki znachodziŭsia ŭ turmie ŭ Vienie pa padazreńni ŭ zabojstvie, pakončyŭ z saboj.

Pra heta paviedamlaje Reuters sa spasyłkaj na pres-sakratara aŭstryjskaha suda.

«Jon ździejśniŭ suicyd», — adznačyli ŭ sudzie.

Raniej paviedamlałasia, što Alijevu pradjaŭlenaje abvinavačvańnie ŭ zabojstvie dvuch bankaŭskich mieniedžaraŭ u Kazachstanie.

Rachat Alijeŭ byŭ pasłom Kazachstana ŭ Aŭstryi ŭ 2002 hodzie. Na toj momant jon byŭ mužam dački Nazarbajeva. U 2007 h. Alijeva abvinavacili ŭ vykradańni kiraŭnikoŭ kazachskaha Nurbanka — ziać prezidenta byŭ bujnym akcyjanieram hetaj ustanovy. Pavodle viersii śledstva, Alijeŭ razam z daradcam pieršaha namieśnika staršyni Nurbanka patrabavali, kab siabry i svajaki kiraŭnikoŭ banka pieraaformili na Alijeva svaju majomaść.

U mai 2007-ha Alijeŭ byŭ źniaty z usich pasadaŭ i zajaviŭ pra pierachod u apazicyju da Nazarbajeva.

U 2008 hodzie šlub pamiž Alijevym i dačkoj Nazarbajeva byŭ skasavany. U tym ža hodzie sud Kazachstana zavočna prysudziŭ Alijeva ŭ 20 hadoŭ pazbaŭleńnia voli. Aŭstryja admoviłasia vydać Alijeva, ale ŭ 2011 hodzie tam pačałosia rasśledavańnie suprać jaho — Alijeŭ staŭ fihurantam spravy ab zabojstvie.

Zaznačym, što miesiac tamu, 12 studzienia, pamior baćka Rachata Muchtar Alijeŭ — viadomy chirurh, akademik, prezident Akademii miedycynskich navuk, Narodny hieroj Kazachstana.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?