Dzianis Ivašyn (źleva) u Kijevie. Fota z Facebook.
Jon paviedamiŭ, što major upraŭleńnia KDB pa Hrodzienskaj vobłaści Pavieł Słavuta patelefanavaŭ jamu i nastojliva paprasiŭ źjavicca pahutaryć nakont zamiežnych pajezdak Ivašyna. Sam Dzianis Ivašyn zvazvaje heta z tym, što amal usie jaho zamiežnyja vyjezdy za bližejšy čas byli va Ukrainu — jon nie chavaje, što jeździŭ na Majdan.
«Va Ukrainie ja pravioŭ uvieś studzień 2014 hoda padčas Majdanu, potym vyjazdžaŭ tudy», — raskazaŭ Ivašyn.
Adnak Ivašyn nie pahadziŭsia prychodzić biez aficyjnaj pozvy. «Major zaprašaŭ vielmi nastojliva, namahaŭsia navat padjechać i pieradać mnie pozvu», — udakładniŭ aktyvist.
Dzianis Ivašyn kaža, što kali KDB uručyć jamu pozvu, aformlenuju naležnym čynam pavodle zakanadaŭstva, jon budzie «vykonvać patrabavańni zakona».
Heta pieršy kantakt Ivašyna z KDB. Da hetaha Kamitet dziaržbiaśpieki im nie cikaviŭsia — tolki milicyja zatrymlivała niekalki razoŭ za akcyi pratestu.
