fota Siarhieja Hudzilina
Pra heta siońnia zajaviŭ žurnalistam staršynia praŭleńnia Nacyjanalnaha banka Pavieł Kałaŭr pa zaviaršeńni narady ŭ kiraŭnika dziaržavy, na jakim abmiarkoŭvalisia aktualnyja pytańni sacyjalna-ekanamičnaha raźvićcia.
«Studzień byŭ niaprostym miesiacam u raźvićci našaj ekanomiki. Byli peŭnyja prablemy śniežnia 2014 h na valutnym i finansavym rynku ŭ cełym. U toj ža čas hetaja situacyja kardynalnym čynam źmianiłasia ŭ lutym. My majem stabilnuju situacyju ŭ pieršuju čarhu na valutnym rynku, u poŭnaj miery zadavalniajecca popyt nasielnictva i jurydyčnych asob na valutu. Takaja ž stabilnaja situacyja i na depazitnym rynku», — zajaviŭ kiraŭnik Nacbanka.
Pa słovach Paŭła Kałaŭra, pryrost układaŭ adbyvajecca jak u biełaruskich rublach, tak i ŭ valucie, ekanomika maje dastatkova resursaŭ, kab zabiaśpiečvać padtrymku pracesu kredytavańnia.
«Z bankaŭskaj sistemaj niepasredna razhledžany novyja padychody da kredytavańnia. Biezumoŭna, upor robicca na efiektyŭnyja prajekty. U toj ža čas usie časovyja abmiežavańni pa kredytavańni, jakija byli ŭviedzienyja ŭ kancy minułaha hoda, źniatyja», — dadaŭ staršynia praŭleńnia Nacbanka Biełarusi.
