Z pačatku hetaha hoda ŭ Biełaruś pierajechała kala 1600 hramadzian Ukrainy, paviedamiŭ pasoł Biełarusi va Ukrainie Valancin Vialička 26 lutaha ŭ Minsku.
«Za minuły hod — bolš za 60 tysiač», — skazaŭ dypłamat.
Pavodle jaho słoŭ, štodzionna ŭ pasolstva pastupaje da 30 zvarotaŭ z prośbami ab akazańni sadziejničańnia ŭ pierajeździe ŭ Biełaruś.
Valancin Vialička paviedamiŭ, što ciapier na konsulskim uliku pasolstva Biełarusi ŭ Kijevie znachodziacca kala 3000 hramadzian Biełarusi. 400 čałaviek, jakija žyli ŭ Krymie, pieradadzienyja na konsulski ŭlik u adździaleńnie biełaruskaha pasolstva ŭ Rastoŭskaj vobłaści.
Vialička zajaviŭ, što biełaruskaje pasolstva nie maje nijakich źviestak ab hramadzianach Biełarusi, jakija vajujuć u zonie ATA ŭ abodvuch bakoŭ.
