«U Respublicy Biełaruś z tryvohaj i zaniepakojenaściu ŭspryniata infarmacyja ab sprobach destabilizacyi stanovišča ŭ družalubnaj nam Vieniesuele»,
— zajaviŭ pres-sakratar Ministerstva zamiežnych spraŭ Dźmitryj Mirončyk, adkazvajučy na pytańnie infarmahienctva Prensa Łacina ab staŭleńni Biełarusi da apošnich padziej u Vieniesuele, dzie prachodziać akcyi pratestu suprać dziejnaj ułady. Užo zahinuli niekalki dziasiatkaŭ čałaviek.
«My nie prymajem ahresiŭnych dziejańniaŭ, nakiravanych na nasilnuju źmienu dziejnaj ułady pa-za pravavym polem Kanstytucyi. Vykazvajem padtrymku demakratyčna abranamu prezidentu Vieniesueły, usim razumnym siłam krainy, jakija zaklikajuć da mirnaha dyjałohu, niedapuščeńnia nasilla i abvastreńnia ŭnutrypalityčnaha stanovišča», — skazaŭ pradstaŭnik biełaruskaha MZS.
Pavodle jaho słoŭ, «u hetaj ciažkaj situacyi pavinien pieravažyć rozum, imknieńnie da dasiahnieńnia ŭzajemarazumieńnia». «Spadziajemsia, što mienavita ŭ atmaśfiery dyjałohu pry zachavańni viaršenstva Kanstytucyi, zakonnaści i pravaparadku vieniesuelcy praciahnuć budaŭnictva niezaležnaj i kvitniejučaj dziaržavy», — padkreśliŭ pres-sakratar Ministerstva zamiežnych spraŭ.
Tekst adkazu Mirončyka na pytańnie infarmahienctva Prensa Łacina raźmieščany na sajcie MZS Biełarusi.