BATE vyjšaŭ u čverćfinał Kubku Sadružnaści

Barysaŭski BATE vyjšaŭ u čverćfinał Kubku čempijonaŭ Sadružnaści, jaki hetymi dniami prachodzić u Sankt‑Pieciarhurhu. Turnir biełarusy pačali ŭ subotu ničyjoj z armianskim «Banancam» — 1:1. Praź dzień taki samy vynik byŭ zafiksavany ŭ hulni BATE z dublem kijeŭskaha «Dynama».

Vyrašalnaj dla BATE stała apošniaja hulnia ŭ hrupie z taškienckim «Pachtakoram». Uzbeki zahadzia zabiaśpiečyli sabie vychad u nastupny raund, tamu padčas sustrečy z barysaŭcami mahli dazvolić sabie trochu rassłabicca. BATE adkryŭ lik u siaredzinie pieršaha tajmu, adnak užo na 47‑aj chvilinie taškientcy vyraŭniali jaho — 1:1. Pieramožny hoł našy chłopcy zabili za dvanaccać chvilin da skančeńnia hulni — 2:1.

Zaŭtra, 23 studzienia, a 12:00 BATE u 1/4 finału sustreniecca z «Alimpi» z Rustavi. Hruziny ŭ svajoj hrupie atrymali try pieramohi zapar.

Źmicier Pankaviec

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH