AP
Parašenka raspavioŭ pra razmovu ź Niamcovym, jakaja adbyłasia niekalki tydniaŭ tamu, i ŭ jakoj jany abmiarkoŭvali ahulnaje bačańnie adnosinaŭ pamiž Rasijaj i Ukrainaj.
«Barys zajaviŭ, što pavinien apublikavać pierakanaŭčyja dokazy ŭdziełu rasijskich uzbrojenych sił va Ukrainie. Niechta vielmi hetaha bajaŭsia. Barys nie bajaŭsia, katy bajalisia. Jany jaho zabili», — vykazaŭ mierkavańnie Parašenka ŭ subotu, kali znachodziŭsia ź vizitam u Vińnicy.
«Pieršaha sakavika jon pavinien byŭ vychodzić na marš na čale šmattysiačnaha mitynhu, kab prademanstravać, što jość inšaja Rasija, jakaja lubić Ukrainu, pavažaje pravy čałavieka, dla jakoj svaboda — nie pusty huk», — dadaŭ Parašenka.
Jon nazvaŭ zabitaha apazicyjaniera «vialikim siabram Ukrainy i vialikim patryjotam Rasii».
