Za apošnija paŭhoda nie było zaklučana ni adnoj ździełki ź nieruchomaściu canoj vyšej za 5 młn dalaraŭ, paviedamlaje «Ruskaja słužba navin» sa spasyłkaj na ryełtaraŭ. Ŭładalniki elitnych damoŭ vymušana źnižajuć ceny.
Pa źviestkach ryełtaraŭ, siońnia ceny ŭ siarednim źnižajucca da 30% pa dalary, a niekatoryja źnižajuć i na 40%. «U vieraśni, kali pajšoŭ rost kursu valut, tyja ŭłaśniki, u kaho byli rublovyja ceny, uziali i pieraviali ŭsio pa starym kursie ŭ dalary. Kali cana była 70 młn rubloŭ, jany pieraviali ŭsio ŭ 2 młn dołaraŭ i ličyli, što ŭ ich ŭsio vydatna pradasca. Jany pračakali da kanca hoda, limit čakańnia vyčarpaŭ siabie, jany zrazumieli, što damy navat nichto nie hladzić, i ciapier stali znoŭ viartać rublovyja ceny», - raspavioŭ RSN adzin z ekśpiertaŭ rynku.
U toj ža čas inšyja ekśpierty adznačajuć, što pakul masavaha padzieńnia cenaŭ na Rubloŭcy nie nazirajecca, ale bližej da leta jano, chutčej za ŭsio, niepaźbiežnaje.
Usiaho ŭ rajonie Rubloŭki kala 2000 elitnych damoŭ, ź jakich na prodaž zaraz vystaŭlena bolš za 500 abjektaŭ. U 2013 hodzie tam pradavałasia 350-400 damoŭ, paviedamlajuć ekśpierty.
Rubloŭka - nieaficyjnaja nazva miascovaści na zachad ad Maskvy ŭzdoŭž Rublova-Uśpienskaj, Paduškinskaj, 1-j i 2-j Uśpienskaj šašy, u jakuju ŭvachodziać častka terytoryi Adzincoŭskaha rajona Maskoŭskaj vobłaści, zabudavanaj dačami byłoj savieckaj elity, katedžnymi pasiołkami i rezidencyjami vyšejšych słužbovych asobaŭ dziaržavy.
