Zhodna z pastanovaj urada, dla apłaty pracy rabotnikaŭ biudžetnych i inšych arhanizacyj, jakija atrymlivajuć subsidyi, taryfnaja staŭka pieršaha razradu z 1 sakavika pavyšana da 292 tysiač rubloŭ (na 5,4% u paraŭnańni ź lutym).
Respublikanskim orhanam dziaržkiravańnia, miascovym vykanaŭčym i rasparadčym orhanam, kiraŭnikam biudžetnych arhanizacyj i inšych arhanizacyj, jakija atrymlivajuć subsidyi, treba zabiaśpiečyć pieraraźlik zarabotnaj płaty rabotnikaŭ u adpaviednaści z pastanovaj Savieta ministraŭ i kaeficyjentami Adzinaj taryfnaj sietki rabotnikaŭ Respubliki Biełaruś z ulikam karekcirujučych kaeficyjentaŭ.
Pavyšeńnie taryfnaj staŭki dazvolić pavialičyć zarabotnuju płatu rabotnikam biudžetnaj śfiery, adznačajuć u pres-słužbie ŭrada.
Adnačasova pavialičacca pamiery dziaržaŭnych stypiendyj navučencam, dapłat maładym śpiecyjalistam, za vučonyja stupieni, a taksama inšych vypłat, jakija zaležać ad taryfnaj staŭki pieršaha razradu.
Apošni raz taryfnaja staŭka źmianiałasia miesiac tamu. 1 lutaha jana była pavyšana na 2 tysiačy rubloŭ (na 0,7%) i skłała 277.000.
U 2014 hodzie taryfnaja staŭka pieršaha razradu pavyšałasia dvojčy: 1 krasavika - da 262 tysiač rubloŭ i 1 maja - da 275 tysiač.
