Siońnia na rynku ŭ Ždanovičach adbyłasia akcyja pratestu: nie vyjšli na pracu pradprymalniki, jakija nie paśpieli raspradać reštki tavaraŭ, a taksama nie atrymali nieabchodnuju siertyfikacyju, paviedamlaje karespandent NN.
Pradprymalniki pratestavali suprać Ukazu №222, jaki ŭstupiŭ u siłu ad siońnia. Jany patrabujuć admianić hety ŭkaz, albo padoŭžyć pierachodny pieryjad. Pavodle ŭkazu, pradprymalniki nie mohuć pradavać tavar, na jaki nie majuć siertyfikacyi.
Pierad pradprymalnikami vystupaŭ Aleś Makajeŭ. Jaho zatrymała milicyja, ale adpuściła, pratrymaŭšy niekalki hadzin.
U adpaviednaści z normami zahadu kiraŭnika dziaržavy № 222 ad 16 maja 2014 hoda, 1 sakavika skončyŭsia pieryjad, padčas jakoha IP — płacielščyki adzinaha padatka mahli realizavać reštu pradukcyi lehpramu, uviezienaj z krain Mytnaha sajuza biez dakumientaŭ, jakija paćviardžajuć nabyćcio i pastupleńnie hetych tavaraŭ, adznačaje BiełaPAN.
