«Kali i zdaryłasia niešta, to pamiž zakazčykami, arandatarami studyi. Sam «Biełaruśfilm» nijakaha dačynieńnia da hetaha nie maje. I nijakich zajavaŭ našy supracoŭniki nikomu nie pisali, chacia b tamu, što sama kinastudyja na siońniašni dzień ničoha nie zdymaje», — paviedamiŭ Kaciušenka.
Uviečary 28 lutaha na telekanale «Biełsat» źjaviłasia infarmacyja ab kanflikcie pamiž kinastudyjaj i rasijskim akcioram Michaiłam Parečankavym, jaki nibyta pryjechaŭ zdymacca ŭ roli pra supracoŭnika NKUS, padziei ŭ filmie adbyvajucca ŭ 1943 h.
Sa spasyłkaj na adnaho z supracoŭnikaŭ kinastudyi, jaki stajaŭ śpinaj da karespandenta «Biełsata», paviedamlałasia, što kaściumiery, hrymiory dy inšyja rabotniki pakłali zajavy na stoł dyrektara «Biełaruśfilma» ab admovie pracy z aktoram, bo toj nibyta moh drenna paŭpłyvać na reputacyju kampanii.
Parečankaŭ «prasłaviŭsia» tym, što stralaŭ z kulamiota pa pazicyjach ukrainskich siłavikoŭ u Danieckim aeraporcie 30 kastryčnika 2014 h., za heta jon byŭ abvieščany piersonaj non-hrata va Ukrainie, SBU abviaściła aktora ŭ vyšuk, va Ukrainie taksama admienienyja filmy ź im.
