23-hadovaja ŭkrainskaja madel Hanna Duryckaja ŭ noč zabojstva prapanoŭvała Barysu Niamcovu pajechać dadomu na taksi, ale jon vyrašyŭ pajści pieššu. Pra heta raspaviała maci śviedki zabojstva palityka Ina Duryckaja. Pavodle jaje słoŭ, adrazu paśla taho, jak Niamcova zastrelili, Hanna patelefanavała maci.
«Jana čakała jaho ŭ restaranie, jany paviačerali i sabralisia iści dadomu. Na vulicy Ania prapanavała vyklikać taksi, ale Barys admoviŭsia i zachacieŭ prahulacca. Kali jany išli, Ania trymała jaho za ruku i pačuła chłapok. Barys abmiak i ŭpaŭ. Ania vielmi spałochałasia, pačała klikać milicyju i adrazu patelefanavała mnie … Jana skazała pa telefonie: «Mama, Barys zabity! Jamu strelili ŭ śpinu, jon upaŭ i voś lažyć pobač», - raspaviała Ina Duryckaja ahienctvu «Interfaks-Ukraina».
Maci madeli dadała, što jaje dačka ŭsiu noč zastavałasia ź joj na suviazi. «U nastupny raz jana patelefanavała i skazała, što ŭžo ŭ mašynie i daje pakazańni. I ŭsiu noč, da 5-j ranicy, jaje vazili pa roznych učastkach, dzie brali pakazańni», - paviedamiła jana.