25 lutaha ŭ Nacyjanalnaj biblijatecy Biełarusi ŭ miežach kruhłaha stała «Staražytnaści Navahrudčyny» adbyłasia prezientacyja vydańnia «Kniha cudaŭ Navahradskaj ikony Baharodzicy jak pomnik historyi ChVII stahodździa» biełaruskaha historyka i hramadskaha dziejača Mikałaja Nikałajeva.
Heta vydańnie źmiaščaje publikacyju aryhinała i pierakład na sučasnuju biełaruskuju movu vydańnia 1673 h., pryśviečana historyi i apisańniu cudaŭ Navahrudskaj ikony Baharodzicy. Aŭtar źmiaściŭ u knizie karotki histaryčny narys Navahrudka ŭ čas atrymańnia hetaha abraza, a taksama miascovaj rezidencyi ordena jezuitaŭ.
Viadoma pra čatyry ekziemplary knihi-aryhinała 1673 hoda. Adzin znachodzicca ŭ Krakavie, druhi — u Varšavie, treci — u Vilni, a čaćviorty, jakim i karystaŭsia aŭtar pry padrychtoŭcy vydańnia, — u Pieciarburhu, u Rasijskaj nacyjanalnaj biblijatecy.
Jak adznačyŭ aŭtar u pradmovie da knihi: «Ja śpiašajusia nadrukavać tekst vielmi redkaj knihi pra hety abraz i sabranyja źviestki pra historyju navahrudskich jezuitaŭ, jakija im vałodali, kab dałučyć da abmierkavańnia histaryčnaj spadčyny ziemlakoŭ i siabroŭ».
Havoračy pra ideju vychada knihi, historyk dadaŭ, što zusim niadaŭna NAN RB padrychtavała vydańnie «Historyja Navahrudka — z hłybiń stahodździaŭ do našych dzion» (Minsk, 2014), u jakoj abminuła temu cudadziejnych abrazoŭ, jakich u historyi ziamli Adama Mickieviča było try. Vyrašyŭšy zapoŭnić hetuju «biełuju plamu», aŭtar i padrychtavaŭ svajo vydańnie.
Zacikaŭlenaść Mikałaja Nikałajeva, jaki zusim niadaŭna adznačyŭ 60-hadovy jubilej, Navahrudčynaj nievypadkovaja. Jon vučyŭsia ŭ navahrudskaj SŠ № 4, dzie pad upłyvam svajho nastaŭnika historyi — Piatra Mazury, jon pačaŭ zachaplacca vyvučeńniem historyi. U 1967 hodzie vučniem udzielničaŭ u navahrudskaj archieałahičnaj ekśpiedycyi, paśla jakoj i vyrašyŭ stać studentam histaryčnaha fakulteta BDU.
Siońnia Mikałaj Nikałajeŭ žyvie i pracuje ŭ Sankt-Pieciarburzie, zajmajučy pasadu zahadčyka adździeła redkich knih Rasijskaj nacyjanalnaj biblijateki. Źjaŭlajecca aŭtaram šmatlikich manahrafij pa biełaruskaj knižnaj kultury: «Pałata knihapisnaja» (Minsk, 1993), «Biełaruski Pieciarburh» (Sankt-Pieciarburh, 2009), «Knižnaja kultura Vialikaha Kniastva Litoŭskaha» (Minsk, 2009) i inšych.
Taksama navukoviec źjaŭlajecca adnym z zasnavalnikaŭ i členam prezidyuma Mižnarodnaj asacyjacyi biełarusistaŭ.
Aprača prezientacyi knihi ŭ Minsku, 27 lutaha Mikałaj Nikałajeŭ naviedaŭ i Navahrudak, dzie prezientavaŭ svajo vydańnie miascovaj intelehiencyi.
Zacikaŭlenyja ŭ nabyćci novaj knihi pra cudadziejny abraz i historyju Navahrudčyny, mohuć źviarnucca da aŭtara, napisaŭšy na e-mail: [email protected].
