Pra heta paviedamiŭ načalnik słužby Biełhidramieta Dźmitryj Rabaŭ.
«Tempieratura pavietra krychu panizicca, zadźmuć paŭnočna-zachodnija viatry. Pieršaja pałova tydnia projdzie pad znakam atmaśfiernych frantoŭ z Zachodniaj Jeŭropy», — skazaŭ sinoptyk.
U aŭtorak nočču i ranicaj na bolšaj častcy terytoryi, dniom miescami projduć apadki (doždž, mokry śnieh). U načnyja i ranišnija hadziny ŭ asobnych rajonach słaby tuman i hałalod, na darohach hałalodzica. Tempieratura pavietra nočču minus 2 — plus 4°S, dniom plus 2—7°S.
Z sierady ŭ Biełaruś pačnie pastupać bolš chaładnavataje pavietra z paŭnočnych šyrotaŭ. Tempieratura pavietra nočču składzie 0 — minus 5°S, dniom 0 — plus 5°S. Nočču ŭ asobnych rajonach, dniom na bolšaj častcy terytoryi projdzie karotkačasovy mokry śnieh. Nočču i ranicaj na asobnych učastkach daroh čakajecca hałalodzica.
«U čaćvier nočču jašče na bolšaj častcy terytoryi, a dniom z rostam atmaśfiernaha cisku śnieh, mokry śnieh projdzie ŭžo miescami i budzie nasić karotkačasovy charaktar», — paviedamiŭ Rabaŭ. Nočču i ranicaj na asobnych učastkach daroh hałalodzica. Tempieratura pavietra nočču 0 — minus 6°S, dniom 0 — plus 6°S.
Pavodle słoŭ śpiecyjalista, «u piatnicu i subotu čakajecca adnatypnaje nadvorje: miescami karotkačasovy śnieh, mokry śnieh.
Nočču i ranicaj na asobnych učastkach daroh hałalodzica». Tempieratura pavietra nočču 0 — minus 5°S, pry prajaśnieńniach da minus 7°S, dniom 0 — plus 5°S, pa poŭdni miescami da plus 7°S.
U niadzielu, 8 sakavika, u Biełaruś pačnie pastupać bolš ciopłaje pavietra, i tempieratura znoŭ pačnie pavyšacca: nočču jašče budzie 0 — minus 5°S, pa paŭdniovym uschodzie pry prajaśnieńniach da minus 7°S, a dniom pavietra prahrejecca da plus 2—9°S, paviedamiŭ Rabaŭ.
Nočču pieravažna biez apadkaŭ, dniom pa paŭnočna-zachodniaj pałovie karotkačasovyja apadki, u asnoŭnym doždž. Nočču i ranicaj miescami tuman, hałalod, na asobnych učastkach daroh hałalodzica.
