Trahiedyja zdaryłasia 2 sakavika.
U 11.00 na pažarny avaryjna-vyratavalny post vioski Matyli patelefanavaŭ miascovy žychar i paviedamiŭ ab pažary pa vulicy Śvietłaj.
Da miesca vykliku vyjechali pažarnyja raźliki i bryhada chutkaj miedycynskaj dapamohi. Jany prybyli na miesca ŭžo praź niekalki chvilin. Ale ŭ chacie ŭžo abrynułasia pierakryćcio, paviedamlaje pres-słužba MNS pa Hrodzienskaj vobłaści.
U domie žyła piensijanierka 1952 hoda naradžeńnia. Sa słoŭ adnaviaskoŭcaŭ, napiaredadni viečaram da jaje ŭ hości zachodziła siabroŭka, jakaja žyvie ŭ susiedniaj vioscy.
U pakoi na łožku supracoŭniki MNS znajšli haspadyniu doma. Praź niekatory čas, pad abłomkami zharełych budaŭničych kanstrukcyj i jaje 41-hadovuju siabroŭku. Abiedźvie žančyny zahinuli.
Pryčyna pažaru vyśviatlajecca. Asnoŭnaja viersija — parušeńnie praviłaŭ ekspłuatacyi piečaŭ, ciepłahienieryrujučych ahrehataŭ i pryład.
