ria.ru
Kiraŭniki Biełarusi i Rasii na dvuchbakovaj sustrečy ŭ Maskvie, jakaja papiaredničaje pasiadžeńniu Vyšejšaha dziaržaŭnaha savieta Sajuznaj dziaržavy, abmiarkoŭvajuć pierśpiektyvy raźvićcia biełaruska-rasijskaha supracoŭnictva.
Łukašenka adznačyŭ, što pierśpiektyvy supracoŭnictva nieadnarazova abmiarkoŭvalisia nie tolki ŭ dvuchbakovym farmacie, ale i na placoŭcy Jeŭrazijskaha ekanamičnaha sajuza. Adpaviednyja pytańni padymalisia i na niadaŭniaj sustrečy ŭ Sočy, dzie zakranałasia u tym liku ŭkrainskaja prablematyka.
«Tady vami z Parašenkam było pryniata rašeńnie ab sustrečy ŭ Minsku «narmandskaj čaćviorki».
Mnohija jaźvili, žartavali. Ale siońnia ŭsio pierakananyja ŭ tym, što hetaja sustreča była patrebna, pryniatyja rašeńni realizujucca», — skazaŭ biełaruski lidar.
Pa słovach Alaksandra Łukašenki, u ŚMI źjaviłasia infarmacyja, što prezident Ukrainy Piatro Parašenka padpisaŭ ukaz ab stvareńni kanstytucyjnaj kamisii.
«Heta značyć, pačynajecca prapracoŭka Kanstytucyi — toje, pra što vy havaryli ŭ Sočy. U ramkach hetaha pracesu možna vyrašyć usie pytańni. Heta vielizarny praryŭ», — miarkuje kiraŭnik biełaruskaj dziaržavy.
«My majem mahčymaść farmalizavać ŭsie našy razmovy, pryniaŭšy kankretnyja rašeńni. Čas niaprosty va ŭsim śviecie. Dumaju, my z vami prymiem hetyja rašeńni», — skazaŭ Łukašenka, kažučy ab majučym adbycca pasiadžeńni VDS.
U svaju čarhu Pucin taksama padkreśliŭ rehularny charaktar sustreč z kiraŭnikom Biełarusi.
«Na hety raz my sabralisia, kab pahavaryć pa adnym z klučavych pytańniaŭ našaha ŭzajemadziejańnia — budaŭnictvie Sajuznaj dziaržavy. Šmat što zroblena za papiarednija hady. Adno nie padmianiaje inšaje, maju na ŭvazie stvareńnie ahulnaha rynku razam z Kazachstanam. Ale ŭ Sajuznaj dziaržavie ŭ nas jość svaje zadačy, jakija my vyrašajem. I heta abjadnańnie źjaŭlajecca bolš prasunutym, asabliva kali pahladzieć na pytańni sacyjalnaha charaktaru i toje, jak my ich vyrašajem ŭ intaresach našych hramadzian», — skazaŭ Uładzimir Pucin.
