Stvareńnie ahulnaha rynku, Adzinaj ekanamičnaj prastory Biełarusi, Kazachstana i Rasii nie padmianiaje Sajuznaj dziaržavy, zajaviŭ prezident RF Uładzimir Pucin 3 sakavika ŭ Maskvie na sustrečy sa svaim biełaruskim kaleham Alaksandram Łukašenkam.
«U ramkach Sajuznaj dziaržavy jość svaje pytańni, svaje zadačy, jakija my vyrašajem. I ŭ hetym sensie heta abjadnańnie źjaŭlajecca navat u čymści bolš prasunutym, asabliva kali pahladzieć na pytańni sacyjalnaha charaktaru i toje, jak my vyrašajem ich u intaresach našych hramadzian», — cytuje Pucina pres-słužba Kramla.
«My z vami sustrakajemsia časta, rehularna, ale na hety raz dla taho, kab pahavaryć pa adnym z klučavych pytańniaŭ našaha ŭzajemadziejańnia — pa budaŭnictvie Sajuznaj dziaržavy. My daŭno rychtavali hetuju sustreču. Upeŭnieny, jana budzie paśpiachovaj», — adznačyŭ Pucin.
Sustreča prezidentaŭ u vuzkim farmacie adbyłasia pierad pasiadžeńniem Vyšejšaha dziaržsavieta Sajuznaj dziaržavy Biełarusi i Rasii. «Kiraŭniki dźviuch dziaržaŭ abmierkavali aktualnyja pytańni dvuchbakovaha supracoŭnictva, raźvićcio intehracyjnych pracesaŭ», — paviedamlaje pres-słužba Kramla.
