U Minsktransie zapeŭnivajuć, što pytańnie ab pavyšeńni koštu prajezdu ŭ hramadskim transparcie ŭ dadzieny momant nie razhladajecca.
Raniej źjaviłasia infarmacyja ab tym, što tałončyki mohuć padaražeć da 9300 rubloŭ.
«Košt prajezdu pavialičycca da 9300 rubloŭ? Hetaja infarmacyja nie adpaviadaje rečaisnaści. Ludzi nie zmohuć stolki płacić! U nas ceny rehulujucca dziaržavaj, tamu nie davodzicca kazać pra toje, što ich ŭdvaja padvysiać», — raspaviała namieśnik dyrektara pa ekanomicy Minsktransu Iryna Jakuboŭskaja.
Śpiecyjalist źviarnuła ŭvahu, što pavyšeńniem taryfaŭ na pasłuhi hramadskaha transpartu zajmajecca kamisija pry Saŭminie.
«Pieravozki datujucca ź biudžetu, košt rehulujecca i ustanaŭlivajecca z ulikam dachodaŭ nasielnictva. Nivodnaja kamisija nie pojdzie na takoje pavyšeńnie», — adznačyła Iryna Jakuboŭskaja, dadaŭšy, što infarmacyi pra čarhovaje padaražańnie ciapier niama.
Pavodle jaje słoŭ, pry ŭstalavańni novaha koštu prajezdu buduć ŭličvacca dachody nasielnictva.
