2 sakavika padčas apieratyŭna-vyšukovych mierapryjemstvaŭ supracoŭnikami minskaha narkakantrolu za niezakonnyja dziejańni z narkatyčnymi srodkami zatrymany 27-hadovy biespracoŭny žychar stalicy.
Jak paviedamlaje HUUS Minharvykankama, svajo žyllo pa vulicy Nikicina zatrymany prystasavaŭ dla vyroščvańnia i zbytu raślin z utrymańniem narkatyčnych rečyvaŭ. U vyniku ahladu kvatery znojdziena pryblizna 6 h vysušanych pładovych cieł hryboŭ, jakija majuć u svaim składzie psiłacyn i psiłacybin. Akramia taho, apieratyŭniki vyjavili 10 kustoŭ kanopli, a taksama pryblizna adzin hram vysušanaj marychuany.
Dla vyroščvańnia narkatyčnych raślin u žylli było nieabchodnaje techničnaje abstalavańnie. Milicyjaniery kanfiskavali piać kuleraŭ, piać lampaŭ napalvańnia, termomietr, tajmier, pulvieryzatar, padaŭžalniki, rułon falhavanaj papiery, uhnajeńni i hrunt.
U dačynieńni da zatrymanaha raspačata kryminalnaja sprava. Jon źmieščany ŭ izalatar časovaha ŭtrymańnia. Pravodzicca rasśledavańnie.
