Były namieśnik staršyni ŭrada RF Alfred Koch zajaviŭ niamieckamu vydańniu Bild, što jon baicca za svajo žyćcio paśla zabojstva Barysa Niamcova.
politolog.net
«Ja bajusia, što ja budu nastupnym», — skazaŭ Koch u hutarcy z žurnalistam Barysam Rajtšusteram.
Pa słovach Kocha, uvosień minułaha hoda jon «arhanizavaŭ trochdzionnuju sakretnuju sustreču ciapierašnich i byłych lidaraŭ rasijskaj apazicyi ŭ adnoj ź viosačak ŭ niamieckaj Vierchniaj Bavaryi». U joj pryniali ŭdzieł Barys Niamcoŭ, Michaił Chadarkoŭski i, jak vykazaŭsia eks-palityk, «mnohija inšyja byłyja členy rasijskaha ŭrada, jakich jon nie choča nazyvać pajmienna».
Padčas svaich hutarak apazicyjaniery «šukali sposab złamać uładu Uładzimira Pucina», havorycca ŭ artykule. Adzin z udzielnikaŭ — były hruzinski ministr i vorah rasiejskaha prezidenta Kacha Biendukidze — pamior ŭsiaho praź niekalki tydniaŭ paśla sustrečy nibyta ad prablem z sercam.
«Bajusia, što jon i Niamcoŭ — nie apošnija ŭ śpisie ludziej, jakija raźvitalisia z žyćciom», — dadaŭ Koch.