Pravasłaŭny prajekt Rublev.com abjadnoŭvaje funkcyi pošukavika i sacyjalnaj sietki, ale dadavać siabroŭ na im nielha, piša TJournal.
«Daŭno chacieŭ, kab u sietki byŭ zrazumieły i zručny daviednik dla viernikaŭ i tych, chto tolki pačynaje svoj šlach u śviecie pravasłaŭnaj viery», — patłumačyŭ Hrymaŭ. Pavodle jaho słoŭ, nazva sajta adsyłaje da mastaka Andreja Rublova.
Na momant publikacyi «pravasłaŭnaja sacsietka» niedasiažnaja.
Źniešnie hałoŭnaja staronka prajektu nahadvaje «Jandeks». Prajekt nie tolki raspaviadaje pra vieru i relihiju, ale i zdolny dać adkaz na papularnyja ŭ internecie zapyty. Naprykład, na zapyt «porna» sajt nakiruje na staronku, pryśviečanuju zapaviedzi «Nie pralubadziej», u adkaz na «seks» raspaviadzie pra parok žarści.
Taksama sajt publikuje naviny i intervju, prapanuje błohi viernikaŭ, maje katałohi relihijnych ustanoŭ i śviataŭ, dazvalaje stvarać vinšavalnyja paštoŭki. Płatnych pasłuh na sajcie niama.
Prajekt pa zadumie stvaralnikaŭ nie jość zamienaj papularnym sacsietkam.
Asobny sajt stvorany praz pavolnuju maderacyju kamientaroŭ na inšych servisach — na ŭłasnaj staroncy, na dumku Hrymava, možna abaranić viernikaŭ ad napadak virtualnych chulihanaŭ.
Aŭtary prajektu źbirajuć hrošy i na mabilnuju prahramu.
